Құрметті балалар, сіздердің назарларыңызға бірінші сыныпқа баратын балақайлар үшін таптырмайтын дүние, жазушы Жазушылар Одағының, Журналистер Одағының мүшесі Жаңабек Баққондыұлы Шағатайдың «Бірінші сыныптың баласы» атты әңгімелер мен хикаяттар кітабын ұсынамыз:
Шағатай, Ж. Бірінші сыныптың баласы [Мәтін] / Жаңабек Шағатай. – Алматы: Балалар әдебиеті, 2023. – 240 б.
Кітапқа жазушының қызықты әңгімелері мен хикаяттары енген. Бұл шығармалар баланы жалықтырмайды, түрлі кейіпкерлер мен қызықты сюжеттерге толы.
Жазушы 1961 жылдың 1 қаңтарында Жамбыл облысы, Талас ауданы, Үшарал ауылында дүниеге келген. 1991 жылы қазіргі әл-Фараби атындағы Қазақ Үлттық университетінің журналистика факультетін сырттай бітірген. Ауыл шаруашылығы саласында, қүрылыста жұмыс істеген.
1985 жылдан бастап «Жалын» баспасының аударма бөліміне редакторлық қызметке қабылданды. Мұнда ол Жоғары сынып оқушылары, жасөспірімдер мен жастарға арналған көптеген көркем және танымдық, шытырман оқиғалы, фантастикалық кітаптардың редакторы болды.
Кітап балаларға ғана емес, қалыптасқан оқырман қауымға да арналған.
