Тараз қалалық орталықтандырылған көпшілік кітапханалар жүйесінің М. Әуезов атындағы кітапханасында «1-наурыз – алғыс айту күніне» орай өзге ұлт өкілдерінің қазақ жұртына деген ыстық ықыласына құрмет көрсету, Қазақстан Республикасы әлемде ең алғашқы мемлекеттердің бірі болып сырттан келген басқа ұлт өкілдеріне алтын бесік болғандығын ұғындыру мақсатында «Алғыс айту — парызым» атты достық аллеясы өткізілді. Іс-шараға неміс ұлт өкілі -Хачианиди Нэлли Борисовна, орыс ұлт өкілі – Чекалина Людмила Ивановна, Тараз инновациялық көпсалалы колледжінің түрік, өзбек, татар, қырғыз ұлтты білімгерлері қатысты.
