«АЛҒЫС АЙТУ — ПАРЫЗЫМ»
№5 кітапханасында 1 наурыз «Алғыс айту» күніне орай «Алғыс айту — парызым» атты дөңгелек үстел өткізілді. Жамбыл облысы әкімдігінің ішкі саясат басқармасының «Қоғамдық келісім» мекемесінің мамандары Досыбаева Валентина Николаевна, Шілдебаева Жазира Мейрамбекқызы, «Тараз-Болашақ» медициналық орталығының медбикесі Дәрібаева Күлшат Сапашқызы қатысып, елімізде түрлі этнос өкілдері аралас-құралас, тату өмір сүріп жатқандығы туралы, елдегі тыныштық пен ынтымақтың, қазақстандықтардың бір-біріне деген достығы мен ыстық ықыласын білдіретін күн екендігі туралы, мерекенің мән-мағынасы туралы әңгіме өрбітті. Тақырыпқа байланысты «Алғыс айту парызым» атты кітап көрмесі ұйымдастырылып, библиографиялық шолу жасалды.
