Тараз қаласының Абай атындағы орталық кітапханасында «Вооkdating» жобасы аясында шығыстың ғұлама ойшылы, математик, астролог, Аристотельден кейінгі екінші ұстаз атанған Әбу Насыр әл-Фарабиге арналған «Шығыстың ұлы ойшылы» атты оқырмандар конференциясы өтті.

«Вооkdating» кітапсүйер қауымның зияткерлік алаңы. Ол түрлі тақырыптар мен бағыттардағы кітаптарды талқылайтын тиімді, заманауи платформа. Жобаның мақсаты — білімді қоғам топтарын шоғырландыру, отандық жазушыларды қолдау, оқырмандарға міндетті түрде оқу үшін кітаптың өзің ұсынған нұсқасын жасау.

Басқосуда алғашқы сөз Тараз қалалық №46 орта мектебінің тарих пәні мұғалімі Меруерт Юсуповаға берілді.

— Әбу Насыр әл-Фараби ғұлама ғалым, Түркі жұртының жарық жұлдызы. Ғұламаның отаны Қазақ жерінің оңтүстігіндегі Отырар қаласы. Әл-Фараби — көрнекті ойшыл, өзінің замандастарының арасындағы ірі ғалым, философ және шығыс аристотелизмінің ең ірі өкілі. Өзінің білімділігімен және сауаттылығының арқасында «Екінші Ұстаз» атауына ие болды. Әл-Фарабидің шығармашылық мұрасы орасан зор. 150-ге жуық философиялық және ғылыми трактат, ал оның айналысқан ғылыми салалары ол-философия мен логика, саясат пен этика, музыка мен астрономия, математика мен медицина.

Сонымен қатар Меруерт Ізбәкірқызы қатысып отырған колледж білімгерлеріне Әл- Фарабидің еңбектері туралы сұрақтар беріп, кейбір тұстарын өзі толықтырып отырды.

Филология ғылымдарының докторы, профессор, М.Х.Дулати атындағы Тараз өңірлік университеті «Дулатитану» ғылыми-зерттеу орталығының директоры Сәмен Құлбарақ Оразғалиұлы өз сөзін ғұламаның еңбектерімен тұжырымдады:

— Биыл елімізде Шығыстың ғұлама ойшылы Әбу Насыр әл-Фарабидің 1155 жылдық мерейтойы. Әлемнің ұлы ойшыл-философтары әр дәуірде бақытты өмір, бақуатты тұрмыс мәселелері жөнінде ой толғаған. Солардың ішінде Әбу Насыр әл-Фарабидің осы тақырыпқа арналған «Бақыт жолын сілтеу», «Бақытқа жету жайында» атты еңбектерінің орны бөлек. Ол өз шығармаларында адамзат өміріндегі ең өзекті мәселе-бақыт идеясын ұсынады. Ғұлама ғалым адам бақытын басты орынға қояды. Бақыт дегеніміз-өмірден ләззат алу емес, әрекетшіл ақыл-парасат арқылы мақсатқа жету екенін айтады. Фараби бақытқа кенелу формуласын «Адамның өзін өзі жетілдіре отырып, кемелдікке жету жолы» деп көрсетеді.

Тараз қалалық ардагерлер кеңесі ұйымдастыру-әдістемелік бөлімінің жетекшісі Алдаберді Мақашев та өзінің ой-пікірін білдірді.

— Шығыстың ұлы ойшылының шығармашылық мұрасына деген үлкен қызығушылық бүкіл әлемде және Қазақстанда толассыз артып келеді. Әл-Фарабидің өзінен кейінгі мәдениетке, Шығыс және Орталық Азия халықтары, соның ішінде дүйім түркі жұрты мен қазақ халқының мәдениетінің дамуына ықпалы ұзак және жан-жақты болды.

Сондықтан, бүгінгі ұрпаққа шығыстың ұлы ойшылының мұраларын насихаттауда шығармаларының шыңына жетіп түсіндірсек және Әл-Фарабиді тереңінен тануына жол ашылары сөзсіз-деген Алдаберді Меңлібайұлы өз сөзін осылайша қорытындылады.

Конференция соңынан «Әл-Фараби әлемнің ұлы ойшылы» атты кітап көрмесі ұсынылды.

  Сауранбек Жамалбеков,

Тараз қалалық ардагерлер кеңесінің жауапты хатшысы

Қарахан. – 2025. — №3-4. – 14-15 б.

«Отан-отбасынан басталады» деген қарапайым қағида қай дәуірде болсын маңызын жоғалтқан емес. Әрбір отбасы — қоғамның діңгегі, экономикадағы, мәдениеттегі, әлеу- меттік саясаттағы барлық жаңа жетістіктерінің негізі. Отбасы баланың азамат болып өсуінің негізі болып табылады. Отбасының басты қызметі — баланы тәрбиелеу. Отбасы тәрбиесі — бұл жалпы тәрбиенің ең басты бөлігі.

Осы бағытта Тараз қаласының Абай атындағы орталық кітапханасында Отбасы күніне арналған «Тәрбиенің ең тамашасы-отбасы» атты кездесу кеші өтті.

Басқосуға қатысқан колледж білімгерлеріне Тараз қалалық ардагерлер кеңесінің жауапты хатшысы, Ұлттық қауіпсіздік комитетінің отставкадағы полковнигі Сауранбек Жамалбеков жазушы Санжар Керімбайдың «Бейсен және Болмыс» атты кітабынан отбасы туралы тәрбиелік мәні бар мысалдар келтірді. Осы кітаптың басты кейіпкері, кезінде «Айтуға оңай» бағдарламасын басқарған Бейсен Құранбек жиырма жеті жасында өз отбасының ата заңын өзі жазған. Келіншегі екеуі мынадай он шартқа сөзсіз бағынамыз деп келіскен. Сегіз шарт жария, екеуі құпия. Өзгеге айтылмайды. Екеуінің арасында мәңгілік құпия болып қалады. Бейсеннің сегіз қағидасы жастарға үлгі ретінде ұсынылды.

Өз кезегінде сөз алған ардагердің жары Гүлжәмила Есжанова да отбасы деген қасиетті ұғым екендігін, әр адамның өміріне бастама болатындығын айта келіп, қатысып отырған жастарға сәттілік тіледі.

Ал, Тараз қалалық ардагерлер кеңесі ұйымдастыру-әдістемелік бөлімінің жетекшісі Алдаберді Мақашев пен оның жұбайы, «Алтын алқа» иегері Әсия Ысмайылова өздерінің отбасы туралы жан-жақты әңгімелеп берді. Олар өз сөздерінде жеті «гүл» (қыз балалар) тәрбиелеп өсіргендігін, олардан 26 немере, 8 шөбере сүйіп отырғандығын айтып, өздерінің бақытты ата-әже екендігін білдірді.

Отбасы — мемлекеттің іргетасы. Ол — адам баласының өсіп-өнер, қанат жайып түлеп ұшатын алтын ұясы. Осы бағытта өткізілген іс-шараны қорытындылаған кітапхана директоры Улбосын Сәулебаева өздерінің тәрбиелі ойларымен бөліскен ардагерлерге алғысын білдіріп, аналардың иықтарына орамал жауып, гүл шоқтарын ұсынды.

Баймұрат Жақсыбеков

Қарахан. — 2025. — №3-4. – 9 б.

    Тараз қаласында қазақ поэзиясының заңғар тұлғасы, ғасыр ақыны атанған  Мұқағали Мақатаевтың туғанына 95 жыл толуына орай «Мұқағали – мәңгілік өмір» атты әдеби-сазды кеші өтті.

 Қаламгердің мол рухани мұрасын насихаттау, жас ұрпақтың әдебиетке деген сүйіспеншілігін арттыруды мақсат еткен шараны №6 кітапхана мен Ы.Дүкенұлы атындағы қалалық мәдениет үйі ұйымдастырды.

Кеште әуелі  ақынның өмір жолы мен шығармашылық әлеміне шолу жасалды. Сондай-ақ қаламгердің өмірінен сыр шертетін бейнематериал көрсетіліп, көрермендерге оның көзі тірісінде түсірілген сирек кадрлар ұсынылды.

Жиынның көркем сөз бөлімінде Мұқағали Мақатаевтың терең философиялық ойға, мөлдір сезімге толы өлеңдері оқылды. Атап айтқанда, «Шыда», «Фаризаға», «Отан», «Сәби ана», «Елім барда», «Өмір жайлы», «Арманың бар ма?» сынды жырлар көрермен жүрегіне жол тапты.

Әдеби кеш сазды бөліммен жалғасып, ақын сөзіне жазылған «Сарыжайлау», «Есіңе мені алғайсың» әндері көрерменге ерекше көңіл күй сыйлады. Сонымен қатар кітапхана қызметкерлері дайындаған «Мұқағали – мәңгілік жыр» атты кітап көрмесі таныстырылып, онда ақынның өлең жинақтары, өміріне қатысты деректер, замандастарының естеліктері мен ғылыми-зерттеу еңбектері қойылды.

Кеш соңында «Өмірдастан» поэмасынан үзінді оқылып, ақын мұрасының терең философиялық қыры тағы бір мәрте айқындалды.

Қорыта айтқанда, Мұқағали қазағымен мәңгі жасайды.  Жыр сүйер халқы барда ақынның бай мұрасы, маржан поэзиясы, көкірегінен буырқана атқылаған жыр жанартауы келешек ұрпаққа таусылмайтын сый, мол қазына болып қала бермек.

  Жұмаш Жолболды

Jambyl-Taraz. — 2026. — 4 ақпан (№9). — 1 б.

Тұлғалардың, тұғыры ешқашан аласармайды. Даналардың бағасын әрдайым биіктеткен елміз.

Тараз қаласындағы М.Әуезов атындағы кітапханасы мен облыстық «Айтыскер ақындар, жыршы-термешілер» орталығы бірлесіп «Жыр алыбы — Жамбыл» тақырыбында мерейгер портреті рухани кеші өткізілді.

Іс-шара барысында ақынның шығармашылығы туралы Мәдениет үздігі, айтыскер ақын Ербол Қамбатыр және Ш.Мұртаза атындағы облыстық «Руханият және тарихтану» орталығының ұйымдастырушысы Гүлгаухар Бүркітбаева өз ойларымен бөлісті. «Студент кезімде Жамбыл гидромелиоративтік құрылыс институтында оқыдым. Қазір Жамбыл Жабаев атамыздың ақындық мұрасына қатысты мекемеде еңбек етемін. Ж.Жабаевтың құрметіне арналған бірнеше айтыстарға қатыстық. Жыр алыбының алысқа кеткен атағының өзі Әулиеата өңірінің айтыскерлеріне айбар сыйлайды, — деді Ербол Дәулетұлы.

Облыстық «Айтыскер ақындар, жыршы-термешілер орталығы» мекемесінің өнерпаздары Жамбыл Жабаевтың жырларына тоқталып, айтысынан үзінділер көрсетті. Әсіресе аталған орталық қызметкері, жыршы Бекарыс Көштаев әйгілі ақынның жырларын тереңнен толғап, термелерін тебіреніспен орындады.

Қасиетті сөздің киесін арқалаған, жырды тағдырына серік еткен, ғасырдан ғасырға жеткен Жамбыл Жабаевтың жас ұрпаққа деген аманатын Асқар Тоқпанов атындағы академиялық қазақ драма театрының актері, Мәдениет саласының үздігі Әбу Шонбаев ғажайып өнерімен жеткізді.

«Дәуірдің дара тұлғасы» атты кітап көрмесі ұйымдастырылып, библиографиялық шолу жасалды. Рухани кешті Абай атындындағы Тараз қалалық орталықтандырылған кітапханалар жүйесінің директоры Ұлбосын Сәулебаева қорытындылап, қонақтарға алғысын білдірді.

Есет Досалы

Aq jol. — 2026. — 31 қаңтар (№11). — 12 б.

     Жыр алыбы Жамбыл Жабаевтың 180 жылдық мерейтойына орай Мұхтар Әуезов атындағы кітапхана мен облыстық айтыскер ақындар, жыршы-термешілер орталығының бірлесе ұйымдастыруымен «Жыр алыбы – Жамбыл» тақырыбында мазмұны бөлек іс-шара ұйымдастырылды.

Іс-шараға қатысқан Мәдениет саласының үздігі, айтыскер ақын Ербол Қамбатыров ақынның өлеңдеріндегі терең ой мен халық өмірін суреттеу ерекшеліктеріне тоқталып, Жамбыл жырларының мән-мағынасына үңілді. Сондай-ақ Шерхан Мұртаза атындағы руханият және тарихтану орталығының ұйымдастырушысы Гүлгаухар Бүркітбаева Жамбыл Жабаевтың қазақ әдебиеті мен мәдениетіндегі орнының айрықша екенін ерекше атап өтті.

Мерекелік іс-шараға қатысқан облыстық айтыскер ақындар, жыршы-термешілер орталығының өнерпаздары ақынның жырларын мәнерлеп оқып, айтысынан үзінділерді көрсетті.

Сондай-ақ Жамбыл Жабаевтың жас ұрпаққа қалдырған аманаты мен тәлімін Асқар Тоқпанов атындағы облыстық академиялық қазақ драма театрының актері, Мәдениет саласының үздігі Абу Шонбаев шынайы сезіммен жеткізді.

Сонымен қатар «Дәуірдің дара тұлғасы» атты кітап көрмесі ұйымдастырылып, библиографиялық шолу жасалды. Көрмеде ақынның өмірі мен шығармашылығы туралы сирек кездесетін басылымдар мен мақалалар таныстырылып, келушілерді терең ойға жетеледі.

М.Жамбылұлы

Ar-Ai. — 2026. — 30 қаңтар (№8). — 2 б.

Абай атындағы Тараз қалалық орталықтандырылған кітапханасында «Абайтанудың көшбасшысы Мекемтас Мырзахметұлы — 95 жас» атты кеш өтті.

  Тағылымды басқосуға М.Х. Дулати атындағы Тараз университетінің профессоры, филология ғылымдарының докторы Сәмен Құлбарақ қатысып, жиынның мазмұны мен мәніне кеңінен тоқталды. Ол Мекемтас Мырзахметұлының университетте сабақ бергенін мақтанышпен айтты. Студенттерге ғалымның өнегелі өмірі мен азаматтық ұстанымдары жайлы тағылымды әңгіме өрбітті.

– Мекемтас аталарың Абай Құнанбайұлын ғана емес, Мұхтар Әуезовты да терең зерттеді. Мұхтар Әуезовтың «Көксерек» деген көлемді әңгімесін білесіңдер. Мекемтас Мырзахметұлы университетте жүргенімізде осы әңгімені талдататын. Шығарманың соңында қасқырдың тұқымы Көксерек өзін асырап баққан Құрмашты өлтіреді. Яғни, жақсылыққа жамандық жасайды. Осы орайда ағай әңгімеге екінші жағынан қарауды үйрететін. Мәселен, «Көксерек» әңгімесінің бір астары қазіргі үстемдігі жоғары халықтың қазақ халқына қиянаты. Жазушы астарлап соны көрсетіп отыр дейтін, – деді Сәмен Құлбарақ.

Кітапханашы Рима Әбденбаева жас оқырмандарды кітап көрмесімен таныстырып, Мекемтас Мырзахметұлы туралы жазылған жазушы Елен Әлімжанның «Алтын жүлге жыры» атты романына тоқталды. Ғалымның 10 томдық жинағына да шолу жасады.

Жиынды кітапхана директоры Ұлбосын Сәулебаева қорытындылап, белгілі ғалым Сәмен Құлбараққа алғысын білдірді.

 Есет Досалы

Aq jol. — 2025. — 9 желтоқсан (№140). — 8 б.

      Тараз қалалық орталықтандырылған көпшілік кітапханалар жүйесінің «Ұлы дала» шағынауданындағы кітапханасында рухани тағылымға толы «100 кітап оқып, ой бөлісемін» атты оқырман бенефисі өтті.

  «Әулиеата- кітап оқитын өңір» жобасы аясында кітап оқуды насихаттау және оқырман мәдениетін дамыту мақсатында ұйымдастырылған шараға қала әкімдігі мен мәдениет саласының өкілдері, кітапсүйер қауым және белсенді оқырмандар қатысты.

100 кітап оқып, үздік атанған кітапсүйерлер өздері оқыған әр кітаптың қысқаша мазмұнын айтып, оның өмірлік көзқарасына қалай әсер еткені туралы талдап жеткізді. Сондай-ак «Жақсы кітап — жан азығы» атты кітап көрмесі ұйымдастырылып, шолу жасалды.

Шара барысында қала әкімінің орынбасары Ұлана Сламбекова үздік оқырмандарға арнайы марапаттар мен Алғыс хаттар табыстады.

Дедек Төлен

Jambyl-Taraz. — 2025. — 5 желтоқсан (№96). — 1 б.

Келін қашанда қазақ қоғамында ерекше мәртебеге ие. Келінді біздің халқымыз тек бір отбасының мүшесі деп ғана емес, қоғамның мәдени-рухани құндылықтарын сақтаушы ретінде қабылдайды.

25 қазан — Республика ұлттық мерекесіне орай Тараз қалалық ардагерлер кеңесі мен қалалық аналар кеңесінің ұйымдастыруымен «Құтты келін-шаңырақ ырысы» атты келіндер байқауы жоғары деңгейде ұйымдастырылды.

Байқаудың мақсаты — мемлекеттік тілі құрмет көрсету, еліміздің тарихы мен мәдени дамуын жетік білу, салт-дәстүріміз бен әдеп-ғұрпымызды кеңінен насихаттау, қазақ келініне тән әдемілік, әдептілік, ибалық, сымбаттылық, ізеттілік пен іскерлікті, тапқырлықты дәріптеу болатын.

Байқауды жүргізуші қатысушы келіндерді сахна төріне шақырып, көпшілікке таныстырған соң, байқаудың бес кезеңнен тұратындығын хабарлады.

Бірінші кезең — «Келіні жақсы уйдің — керегесі алтын». Бұл кезеңде үміткерлеріміз өрнекті сөз, көрікті оймен өздерін таныстырады.

Екінші кезең — «Ата мұра-асыл қазына». Бұл бөлімде қатысушылардың шығармашылық қабілеттері сынға түседі.

Үшінші кезең — «Балалы уй-базар». Мұнда байқауға қатысушы келіндер бала тәрбиесіне қатысты өз ой-толғамдарымен бөлісті. Бесік жырын айтудан өзара бәсекелесті.

Төртінші кезең — «Әйел-уйдің қазығы». Бұл кезеңде отбасылық құндылықтарға сай салт-дәстүр, келіннің қайын жұртын қалай атайтыны, ата-енесін сыйлау, құрметгеуі жайлы түсінік-танымы сынға түседі.

Бесінші кезең — «Келін көркі — өнер». Бұл бөлімде қатысушылардың шығармашылық қабілеттері сынға түседі.

Жамбыл облыстық ардагерлер кеңесі жанындағы билер кеңесінің төрағасы Оңласын Есіркепов рухы биік, өзінің шығармашылық мүмкіндігі мол, бүгінгі қазақтың болмысы, салт-дәстүрі, өнері бойынша байқауға қатысқалы отырған келіндерге сәттілік тілеп, ақ батасын берді.

Байқауға қатысқан 5 келіннің барлығы да үлкен жауапкершілікпен, даярлықпен келгендіктерін паш етіп, көрермендердің ризашылығына бөленді.

Сондықтан да әділ қазылар алқасы жеке-жеке орындарды белгілемей, оның орнына әрқайсысының көрсеткен өнерлеріне қарай аталымдар бойынша марапатталды.

Атап айтқанда, «Алмаз медикал групп» емханасындағы диагностика бөлімінің медбикесі Қабдраш Бибінұр Айдарханқызына «Парасатты келін», №45 орта мектебінің мұғалімі Рысбекова Алтынай Нұрланқызына «Инабатты келін», Абай атындағы орталық кітапханасының кітапханашысы Жолина Гүлжанар Жаңбыршықызына «Сүйкімді келін», М.Х.Дулати атындағы Тараз өңірлік университеті мәдениет және өнер кафедрасының оқытушысы Байсмақова Айгүлге «Көрермен көзайымы», балалар мен жасөспірімдер шығармашылық орталығының оқытушысы Қосақбаева Ақбота Жеңісбекқызына «Өнерлі келін» деген аталымдар бойынша жүлде табысталды.

Тартымды да тартысты өткен келіндер байқауын қорытындылаған Тараз қалалық ардагерлер кеңесінің төрағасы Күләш Әбдікешова мен педагогика ғылымдарының докторы, профессор, қалалық ардагерлер кеңесі жанындағы аналар кеңестің төрайымы Жанат Сарыбекова байқауға қатысқан талантты келіндердің әрқашанда ұрпақтарының қызығына кенеліп, жүздерінен шуақ шашып жүре берулеріне тілектестіктерін білдіріп,барлығын арнайы дипломмен марапаттап, сый-сияпат жасады. Сондай-ақ Қазіргі заман гуманитарлық-техникалық колледжінің директоры Фарида Нақыш та келіндерге бағалы сыйлықтар тарту етті.

Осылайша қазақ келінінің жүрегіндегі мейірім мен парасат нұры ел іргесін бекем ететін ең асыл қазына екенін тағы да бір паш етті.

Алдаберді Меңлібайұлы,

Тараз қалалық ардагерлер кеңесінің мүшесі

Ғұмыр-Дария. — 2025. — 25 қазан 

      Таразда қалалық ардагерлер кеңесінің ұйымдастыруымен «Құтты келін — шаңырақ ырысы» атты келіндер байқауы өтті. Ұлттық құндылықтарымызды ұлықтау, халқымыздың мәдениеті мен әдеп-ғұрпын кеңінен насихаттау мақсатымен ұйымдастырылған шараға қала әкімдігі қолдау көрсетті.

Шараның шымылдығы облыстық билер кеңесінің төрағасы Оңласын Есіркеповтің ақ батасымен түрілді. Ал сайыс басталып, ақ жаулықты келіндер сахнаға шыққанда зал іші нұрға толғандай болды. Келіндердің әр қимылынан — ізет, әр сөзінен — ілтипат, күлкісінен мейірім төгіліп тұрды.

Бес кезеңнен тұрған байқауға келін мен енеден құралған 5 жұп қатысты. Әр саланың тізгінін ұстап, қызметке де, үй шаруасы мен бала тәрбиесіне де үлгеріп жүрген нәзікжандылардың бірінен-бірі өтетіні ә дегеннен-ақ байқалды. Келіндерін қолдаған енелерінің демеуі де бірден аңғарылды. Осылайша қатысушылар кезең-кезеңмен өз өнерлерін ортаға салып, ұлттық тағам пісіріп, кесте тігіп, қазақ келінінің шебер де сыпайы болмысының биіктігін көрсетті.

Айталық, қатысушылар «Келіні жақсы үйдің керегесі алтын» бөлімінде өрнекті сөз, көрікті оймен өздерін таныстырды. Мұнда қазылар алқасы келіндердің сөз саптауы, иба-инабаты мен сахналық киіміне баса назар аударды. «Атамұра — асыл қазына» бөлімінде жұптардың шығармашылық қабілеттері сыналды. Ал «Балалы үй — базар» кезеңінде келіндер бала тәрбиесіндегі ұлттық тәрбиеге қатысты ситуациялық сұрақтар арқылы қазылар қойған тапсырмаларды орындады. Сонымен қатар бесік жырын айтудан да сынға түсті. «Әйел — үйдің қазығы» бөлімінде ақ жаулықтылардың отбасылық құндылықтарға байланысты салт-дәстүрлерді, жанұяға қатысты жөн-жоралғыны қаншалықты білетіндері, туыстық қарым-қатынастар жайындағы түсінік-танымдары тексерілді. Қорытынды бөлімде келіндер өнерлерін ортаға салды. Сондай-ақ шай құю мәдениетін меңгеруіне көңіл бөлінді.

Байқау нәтижесі бойынша «Көрермен көзайымы» аталымы М.Х.Дулати атындағы Тараз университеті «Мәдениет және өнер» кафедрасының оқытушысы Айгүл Байсмақоваға бұйырды. Абай атындағы кітапхананың кітапханашысы Гүлжанар Жолина «Сүйкімді келін» атанса, «Almaz Medical Group» емханасы «Диагностика» бөлімінің медбикесі Бибінұр Қабдраш «Парасатты келін» номинациясын иеленді. Ал Б.Момышұлы атындағы №45 қазақ классикалық гимназиясының мұғалімі Алтынай Рысбекова – «Инабатты келін», балалар мен жасөспірімдер шығармашылық орталығының оқытушысы Ақбота Қосақбаева «Өнерлі келін» аталымына лайық деп танылды. Осылайша барлық келін жеңіс тұғырынан көрініп, ұйымдастырушылар тарапынан Алғыс хаттар мен бағалы сыйлықтар ұсынылды.

— Бүгінгі заманда адам жанына жылу сыйлайтын рухани құндылықтар екінші қатарға ысырылып бара жатқандай. Осындай сәтте келіндер байқауы – халқымыздың салт-дәстүрін қайта жаңғыртып, аналық ізеттің, отбасы бірлігінің, инабаттылықтың мәнін ұғындыратын ерекше шара. Бұл байқаудағы әр сәлем, әр тағам, әр киім ұлттың тарихынан сыр шертеді. Келіннің иіліп сәлем салуы — құрметтің белгісі, тіліміздегі әдепті сөздер — тәрбиенің негізі, ал шебер қолынан шыққан тағам мен кесте — өнер мен махаббаттың көрінісі.

Келін — шаңырақтың шырағы. Сондықтан келіннің бойындағы инабат пен иман, мейірім мен ізет — ұлт болашағының кепілі. Міне, осыны ұғындыру үшін өткізілетін әрбір келіндер байқауы — тек сахналық көрініс емес, ұрпақ сабақтастығының, рухани жаңғырудың жарқын көрінісі, — дейді қалалық ардагерлер кеңесі жанындағы «Аналар алқасының» төрайымы Жанат Сарыбекова.

Осылайша бұл күн ұлттың ұлағатын ұлықтаған күн болып, қазақ келінінің жүрегіндегі мейірім мен парасат нұры ел іргесін бекем ететін ең асыл қазына екенін тағы бір мәрте дәлелдеді.

Арайлым Шабденова

Jambyl-Taraz. — 2025. — 24 қазан 

«Отан-отбасынан басталады» деген қарапайым қағида қай дәуірде болсын маңызын жоғалтқан емес. Әрбір отбасы — қоғамның діңгегі, экономикадағы, мәдениеттегі, әлеу- меттік саясаттағы барлық жаңа жетістіктерінің негізі. Отбасы баланың азамат болып өсуінің негізі болып табылады. Отбасының басты қызметі — баланы тәрбиелеу. Отбасы тәрбиесі — бұл жалпы тәрбиенің ең басты бөлігі.

     Осы бағытта Тараз қаласының Абай атындағы орталық кітапханасында Отбасы күніне арналған «Тәрбиенің ең тамашасы-отбасы» атты кездесу кеші өтті.

Басқосуға қатысқан колледж білімгерлеріне Тараз қалалық ардагерлер кеңесінің жауапты хатшысы, Ұлттық қауіпсіздік комитетінің отставкадағы полковнигі Сауранбек Жамалбеков жазушы Санжар Керімбайдың «Бейсен және Болмыс» атты кітабынан отбасы туралы тәрбиелік мәні бар мысалдар келтірді. Осы кітаптың басты кейіпкері, кезінде «Айтуға оңай» бағдарламасын басқарған Бейсен Құранбек жиырма жеті жасында өз отбасының ата заңын өзі жазған. Келіншегі екеуі мынадай он шартқа сөзсіз бағынамыз деп келіскен. Сегіз шарт жария, екеуі құпия. Өзгеге айтылмайды. Екеуінің арасында мәңгілік құпия болып қалады. Бейсеннің сегіз қағидасы жастарға үлгі ретінде ұсынылды.

Өз кезегінде сөз алған ардагердің жары Гүлжәмила Есжанова да отбасы деген қасиетті ұғым екендігін, әр адамның өміріне бастама болатындығын айта келіп, қатысып отырған жастарға сәттілік тіледі.

Ал, Тараз қалалық ардагерлер кеңесі ұйымдастыру-әдістемелік бөлімінің жетекшісі Алдаберді Мақашев пен оның жұбайы, «Алтын алқа» иегері Әсия Ысмайылова өздерінің отбасы туралы жан-жақты әңгімелеп берді. Олар өз сөздерінде жеті «гүл» (қыз балалар) тәрбиелеп өсіргендігін, олардан 26 немере, 8 шөбере сүйіп отырғандығын айтып, өздерінің бақытты ата-әже екендігін білдірді.

Отбасы — мемлекеттің іргетасы. Ол — адам баласының өсіп-өнер, қанат жайып түлеп ұшатын алтын ұясы. Осы бағытта өткізілген іс-шараны қорытындылаған кітапхана директоры Улбосын Сәулебаева өздерінің тәрбиелі ойларымен бөліскен ардагерлерге алғысын білдіріп, аналардың иықтарына орамал жауып, гүл шоқтарын ұсынды.

  Баймұрат Жақсыбеков,

Ардагер айнасы. — 2025. — 1 қазан