«ТЕАТР – ТӘЛІМ-ТӘРБИЕ МЕН ТАҒЫЛЫМ ОРТАСЫ»
М.Әуезов атындағы Қазақ ұлттық драма театрының 100 жылдық мерейтойына орай М.Әуезов атындағы кітапханасы оқырмандарға театр өнерінің адам тәрбиесіндегі, рухани дамуындағы маңызын түсіндіру мақсатында «Театр – тәлім-тәрбие мен тағылым ортасы» атты ауызша журнал өткізді. Ауызша журнал барысында театрдың құрылу тарихы, М.Әуезовтің қазақ драматургиясына қосқан үлесі, сахна саңлақтарының шығармашылығы туралы мағлұмат берілді.
«СУ АСТЫ ӘЛЕМІ»
М.Әуезов атындағы кітапханасының балалар бөлімі №13 орта мектебінің 4-сынып оқушыларына арналған «Су асты әлемі» атты медиа саяхатын ұйымдастырды. Бұл шара барысында оқушылар су асты әлемінің қызықты құпияларымен танысып, теңіз жануарлары мен өсімдіктерінің ерекше әлеміне саяхат жасады.
«ЖАСТАР ЖӘНЕ ДІНИ ҚАУІПСІЗДІК»
Ақбұлым алабының кітапханасында кітапхана оқырмандарының діни сауаттылығын арттыру және радикалды ағымдардың ықпалына түспеу жолдарын түсіндіру мақсатында «Жастар және діни қауіпсіздік» атты пікір алмасу шарасы өткізілді. Шара барысында оқырмандарға діни экстремизм мен радикализмнің қаупі туралы ақпарат беріліп, жастардың теріс идеологиялардың ықпалынан сақтану үшін қандай шаралар қабылдауы керектігі жөнінде кеңестер ұсынылды.
«ЖҮЗ ЖЫЛ ЖЫРЛАҒАН ЖҮРЕК»
№4 кітапханасында жыр алыбы Жамбыл Жабаевтың туғанына 180 жыл толуына орай «Жүз жыл жырлаған жүрек» атты библиография күні өткізілді.
«МУЗЫКА — ҰЛТТЫҚ РУХТЫҢ ТІЛІ»
Ұлы дала шағын ауданының кітапханасында оқырмандарға Қазақстанның еңбек сіңірген өнер қайраткері Кеңес Дүйсекеевтің туғанына 80 жыл толуына орай композитордың өмірі мен шығармашылығын насихаттау мақсатында «Музыка — ұлттық рухтың тілі» атты өнер сағаты өткізілді.
«ХАЛЫҚ ҚИЯЛЫНДАҒЫ НЕГІЗ»
№5 кітапханасында оқырмандарға «Айман – Шолпан» поэмасына 130 жыл толуына орай , поэманың негізгі ойы мен тәрбиелік мәнін кеңінен ашу, әрі оқырмандардың ұлттық әдебиетке деген қызығушылығын арттыру мақсатында «Халық қиялындағы негіз» атты әдеби салон өткізілді.
«ТАБИҒАТТЫ АЯЛАЙЫҚ»
№5 кітапханасында оқырмандарды қоршаған ортаны аялау, таза ұстауға шақыру мақсатында «Табиғатты аялайық» атты экология сағаты өткізілді.
«ДАРА ДАРЫН ИЕСІ»
Ұлы дала шағын ауданының кітапханасы №67 орта мектептің оқушыларымен бірлесіп, қазақ әдебиетінде ғылыми-қиял жанрының өрістеуіне айрықша үлес қосқан қаламгер Медеу Сәрсекенің туғанына 90 жыл толуына орай «Дара дарын иесі» атты әдеби портрет өткізді.
«ҰЛТЫН СҮЙГЕН ҰЛЫ АДАМ»
№6 кітапханасында оқырмандарға Дінмұхамед Ахметұлы Қонаевтың мемлекет және қоғам қайраткері ретіндегі саяси тұлғасын жан-жақты таныстыру, оның ел дамуындағы маңызды еңбектерін ашып көрсету. Қайраткердің адамгершілік болмысын, елжандылық қасиетін дәріптеу мақсатында «Ұлтын сүйген ұлы адам» атты саяси портерт өткізілді.
«ҒАСЫРДЫҢ ДАРА ПЕРЗЕНТІ»
№4 кітапханасы оқырмандарға аса көрнекті мемлекет және қоғам қайраткері, үш мәрте Социалистік Еңбек Ері, Қазақ КСР Ғылым академиясының академигі, техника ғылымының докторы, КСРО шет ел ордендері мен медальдарының иегері Дінмұхамед Ахметұлы Қонаевтың туған күніне орай ұлы тұлғаның өмір жолы мен атқарған еңбектері туралы мағлұмат беру мақсатында «Ғасырдың дара перзенті» атты дөңгелек үстел өткізді.
