Абай атындағы орталық кітапханасында атбегілік ата кәсіп екенін дәлелдеу, қазіргі кездегі атбегіліктің жағдайы туралы ақпарат беру мақсатында «Қазақтың атбегілік өнері» атты ақпараттық шолу өткізілді.
«АҚ ХАЛАТТЫ АБЗАЛ ЖАНДАР»
№5 кітапханасында «Ақ халатты абзал жандар» атты мамандар күні өткізілді.
«ОЙЛАНА ОЙНАЙЫҚ»
Ғ.Мұратбаев атындағы кітапханасы балалардың жазғы демалыс уақытын тиімді пайдалану мақсатында «Ойлана ойнайық» атты ойын-саяхат өткізді.
ЭКОЛОГИЯ ЖӘНЕ ҚОРШАҒАН ОРТА
№5 кітапханасында оқырмандардың табиғатты қорғау, экологиялық түсініктерін қалыптастыру мақсатында «Экология және қоршаған орта» атты қызықты хабарлама сағаты өткізілді.
«ДЕМАЛЫСТА ОҚИ ЖҮР»
«ДЕМАЛЫСТА ОҚИ ЖҮР»
Ғ.Мұратбаев атындағы кітапханасында балалардың жазғы демалыс уақытын тиімді пайдалану мақсатында, Ш.Мұртаза атындағы мектеп-гимназиясының жанынан ұйымдастырылған жазғы балалар лагерінің 3-4 сынып демалушыларының қатысуымен «Демалыста оқи жүр» атты пайдалы кеңес өткізілді.
«КІТАП ГАЛАКТИКАСЫНА САЯХАТ: «БІЛІМ БЕРУ» ҒАЛАМШАРЫ»
«КІТАП ГАЛАКТИКАСЫНА САЯХАТ: «БІЛІМ БЕРУ» ҒАЛАМШАРЫ»
М.Әуезов атындағы кітапханасында балалардың жазғы демалыс уақытын тиімді пайдалану мақсатында, №31 және № 13 орта мектеп жанынан ұйымдастырылған жазғы балалар лагерінің 3-4 сынып демалушыларының қатысуымен «Кітап галактикасына саяхат: «Білім беру» ғаламшары» атты ғылыми ассорти өткізілді.
«ДҰРЫС ТАМАҚТАНУ – ДЕНСАУЛЫҚ КЕПІЛІ»
«ДҰРЫС ТАМАҚТАНУ – ДЕНСАУЛЫҚ КЕПІЛІ»
№5 кітапханасында салауатты өмір салтын қалыптастыру мақсатында «Дұрыс тамақтану – денсаулық кепілі» атты библиотерапия өткізілді.
«Мемлекеттік рәміздер — ел мәртебесі»
Тараз қаласы әкімдігінің қолдауымен 4 маусым — Қазақстан Республикасының Мемлекеттік рәміздер күніне орай ұйымдастырылған «Мемлекеттік рәміздер — ел мәртебесі» атты акциясы аясында кітапхана қызметкерлері қоғамдық көліктерде жолаушыларға Мемлекеттік рәміздер туралы ақпараттар беру мақсатында викториналық сұрақтар ұйымдастырды.
«КІТАП-АСЫЛ ҚАЗЫНА» КІТАПХАНА ТҮНІ
Тараз қаласы әкімдігінің мәдениет және тілдерді дамыту бөлімінің «Орталықтандырылған көпшілік кітапханалар жүйесі» қала тұрғындарының бос уақытын тиімді өткізуіне атсалысу, қала тұрғындарын кітапқұмарлыққа баулу кітапханамен қоғамның арасындағы байланысты нығайту, кітап оқуды дәріптеу мақсатында Абай атындағы орталық кітапханасында «Кітап-асыл қазына» атты кітапхана түнін өткізді. Кітапхана түніне жиналған қала тұрғындарына «Кітап әлемді бағындырады» атты кең көлемде кітап көрмесі, түрлі кітап инсталяциялары ұйымдастырылып, әдебиеттерге шолулар өткізілді. Кітапхана оқырмандары Мысырда мәмлүктер мемлекетінің негізін қалаған Дешті Қыпшақ даласының атақты перзенті Сұлтан Бейбарыстың, ұлы кемеңгер ақын Абай Құнанбаевтың, қазақ әдебиетінің классигі, ақын Мағжан Жұмабаевтың бейнесін сомдап, Рахымжан Отарбаевтың «Сұлтан Бейбарыс» атты пьесалық драмасынан үзінді, Абай Құнанбаевтың «Әуелде бір суық мұз ақыл зерек», Мағжан Жұмабаевтың «Мен жастарға сенемін» өлеңдерін оқыды.
«Әдеби қонақжай» алаңында зиялы қауым өкілдері ақын, журналист, Қазақстан Республикасы Журналистер Одағы сыйлығының лауреаты, Қазақстан Жазушылар Одағының мүшесі Ғайни Әлімбекқызы, филология ғылымының докторы, М.Х.Дулати атындағы Тараз мемлекеттік университетінің профессоры Сәмен Құлбарақ, Тараз қалалық ардагерлер үйінен аға буын өкілдері қатысқан, еліміздің руханиятын дамытуға сүбелі үлес қосып келе жатқан жазушы, драматург, публицист, Халықаралық «Алаш» әдеби сыйлығының иегері Елен Әлімжанмен сұхбат өткізіліп, оқырмандар қойылған сауалдарына тұщымды жауап алды. Кітапхана қызметкерлері жазушының «Тақталас» атты кітабынан «Қызыр баба немесе Ұлыс күн хикаясы» атты екі бөлімді аңызға құрылған хикаясынан үзінді көрсетті.
Кітапхананың «түнгі қонақтарына» арналып түрлі іс-шаралар ұйымдастырылды. Әлем әдебиеті мен әлем халықтарының ертегілері, баспа беттеріне жарияланған жаңалықтар бойынша сұрақтар, жұмбақтар, мақал-мәтелдер, жаңылтпаштар жарысы, ән айту,би билеу,өлеңдер оқитын «Әдеби-библио бар» алаңы, тоғызқұмалақ, шахмат, дойбы ойындар ойналатын Ойын «Академиясы» алаңы, шарлардан түрлі мүсіндер жасайтын, ойындар ойналатын «Шар-шоу» алаңы, ұлттық нақышта жабдықталған, ертегілер оқылатын «Әжемнің ертегісі» алаңы, ойды дамытатын түрлі ойындар ойналатын «Теңіз қарақшылары» алаңы және әндер сайысы өтетін «Караоке» алаңдары жұмыс істеді. Әр алаңда ерекше форматта өткізілген, оқырманға рухани білім мен демалыс сыйлаған тағылымды шаралар өз оқырмандарын қызықтырып, ерекше көңіл күйге бөледі.Тағылымды шара келушілердің тарихи танымын кеңейтті, жаңа туындыларға қанықты.
Мерекелік кітапхана түні қала тұрғындары үшін маңызды да қызықты демалыс кеші болып, қала тұрғындары алғыс білдіріп тарасты.
«Мемлекеттік рәміздер- ұлттық бірегейліктің тірегі»
