Елдің ел, мемлекеттің мемлекет екенін, дербестігі мен өз шекарасы барын айғақтайтын басты нышан – оның рәміздері.

Символикалық тұрғыда әр елдің рәміздерінде сол елге тән болмыс тарихи детальдар көрініс табады.

Оған Қазақстанның көк байрағын мысал етуге әбден болады. Тудың түсі, қалықтаған қыран бейнесі, жарқыраған күн мен одан сәуледей таралған 32 шуақ, тігінен салынған ою-өрнек – бәрі-бәрі бір-бірімен астасқанда, ұлттық көрінісімізден бірден хабар береді. Елдіктің нышаны саналатын Елтаңбадағы белгілер де ерекше.

Шаңырақ, қанатты пырақ, жұлдыз бір-бірімен үйлесім тапқан.

Сіздердің назарларыңызға 4 маусым Қазақстан Республикасының Мемлекеттік Рәміздер күніне орай әзірленген «Рәміздерім — елдігімнің белгісі» атты виртуалды көрмені ұсынамыз!

Көрмемізге сәтті сапар!

Көрмені қараңыз….

Құрметті оқырмандар!

Сіздердің назарларыңызға 2022 ж. мерейгер кітаптарға арналған виртуалды көрмемізді ұсынамыз.

Әр кітаптың өз тарихы, оның жарыққа шыққан күні, шыққан жылы бар. Осы уақыттан бастап кітаптың жасы есептеле бастайды. Адамдар сияқты кітаптардың да мерейтойлары бар.

Жазушылар мен ақындар өз туындыларымен адамдарды таңдандырып, сүйсіндіре алса, олар мәңгі ұмытылмайды. Ал кітаптардың мерейтойын тойлау оларды тағы да бір оқып шығуға себеп болмақ.

Сіздерге сәтті сапар біздің виртуалды көрмемізге!

Көрмені қараңыз…

Құрметті балалар!

Әдеби кітапты оқу арқылы, Сіздер сезімге, ерекше көңіл-күйге, эстетикалық сұлулыққа бөленіп, танымдық, энциклопедиялық кітаптар арқылы білім алып, ой-өрістеріңді дамытасыздар. Кітап оқу – үлкен мәдениет пен интеллектуалдық жетістіктердің іргетасы.

Кітап күнделікті өміріңіздің ажырамас бөлігіне айналуы керек. Кітап оқу сіздерді ойлауға үйретеді, сөйлеу қабілеттеріңізді, есте сақтауды, қиялдарыңызды дамытады, танымдық қызметтеріңізді анықтайды.

Балалар, Сіздерді шетел әдебиеті жазушыларының «Кітаппен өмір шуақты» атты көрмесімен танысуға шақырамыз.

Көрмені қараңыз…

Құрметті балалар!

Барлықтарыңызға мәлім Мемлекет басшысы Қасым-Жомарт Тоқаев 2022 жылды «Балалар жылы» деп жариялады, осыған орай біздің кітапхана сіздерге арнап «Кітап — құпиялы ұлы ғажайып әлемі» атты виртуалды көрмесін әзірледі.

Адамзат баласының қол жеткізген ұлы игіліктерінің бірі — білім қазынасы. Ол ұрпақтан-ұрпаққа ауызша, жазбаша түрде немесе әдебиет арқылы да жеткен. Кітап адам баласының сан ғасырлық ақыл-ойының жемісі, тарихы мен тағылымының алтын сандығы. «Кітап дегеніміз — алдыңғы ұрпақтың артқы ұрпаққа қалдырған рухани өсиеті. Кітап оқудан тыйылсақ, ой ойлаудан да тыйылар едік», — деген еді Ғабит Мүсірепов. Кітап таңдап, талғап оқи білу, оны түсіну мен түйсіну, алған әсерді өмір қажетіне жарата білу — әрбір адамның білігі мен білімін, пайымы мен парасатын айқындайтын алғы шарттардың бірі.

Виртуалды көрмемізге сәтті сапар!

Көрмені қараңыз…

Шоқан (Мұхаммед-Ханафия) Шыңғысұлы Уәлиханов – XIX ғасырдың екінші жартысында қазақ даласында туған демократтық, ағартушылық мәдениеттің алғашқы және талантты өкілдерінің бірі. Қазақтың әр алуан ғылым көкжиегінде өшпес із қалдырған мәңгі жарық жұлдыздар шыңында қазақ ұлтының абзал перзенті Шоқан Уәлиханов бар. Оның философия, этнография, тарих, экономика, фольклор, әдебиет теориясы жайлы құнды-құнды еңбектері мен пікірлері ұлттың тұтас құндылығына бағалауға тұрарлық шығармалар. Шоқан 1835 жылдың қараша айында қазіргі Қостанай облысының Құсмұрын бекетінде туған.

ХІХ ғасырда біздің отандық ғылым үшін Ш. Уәлихановтың орны жайында академик Н.И.Веселовский былай деп жазды: «…Шоқан Уәлиханов шығыстану әлемінің үстінен құйрықты жұлдыздай жарқ ете қалды. Орыстың Шығысты зерттеуші ғалымдарының бәрі де ерекше бір құбылыс деп танып, одан түрік халықтарының тағдыры туралы ұлы және маңызды жаңалықтар ашуды күткен еді. Бірақ Шоқанның мезгілсіз өлімі біздің бұл үмітімізді үзіп кетті». Бұл Шоқанға берілген жоғары баға болып табылады.

Белгілі ғалым және саяхатшы П.П.Семенов-Тян-Шанский Ш. Уәлихановты «ұлттық аймақтардың ішінде ең оқыған, білімді адамдардың бірі еді» деп бағалаған болатынды.

Биыл Ш. Уәлихановтың туғанына 180 жыл толып отыр. Осы атаулы датаға орай оқырмандар назарына «Жарық жұлдыз» атты виртуалды кітап көрмесі ұсынылып отыр. Кітап көрмесінде ғалымның шығармалары, ол туралы жазылған әдебиеттер көрсетілген.

Көрмені қараңыз…

Тамаша ертекші Уолт Диснейдің есімі елге мәлім.

Оның таңқаларлық мультфильмдерінде романтика мен ерлік, жақсылық пен жамандық, қуаныш пен қайғы,

әдемі әзіл мен жан жылуы қатар өріліп, елітіп әкетеді.

«Алтын классика» сериялық кітаптар тамаша оқиғалармен қоса көркем суреттерімен де көздің жауын алады.

Кішкентай оқырмандар өздерінің сүйікті қаһармандарымен бірге сиқырлы әлемге тап болып, таңғажайып құпияларды ашады.

Көрмені қараңыз…

Әлихан Нұрмұхамедұлы Бөкейхан – XIX ғ. соңы мен XX ғ. басындағы қазақ зиялылары қатарындағы аса ерекше тұлға.

Көрнекті қоғам және мемлекет қайраткері, тұңғыш саяси Алаш партиясының ұйымдастырушысы, Алашорда автономиялы үкіметінің төрағасы, ғалым, экономист, тарихшы, аудармашы, әрі дарынды публицист.

Әлихан Бөкейхан Ресей империясының қазақ даласына жүргізген отаршылдық саясатына деген өзіндік көзқарасы қалыптасқан, саяси күрескер болатын. Терең білім, ұлт тарихына құрмет, қазақ халқының азаттығы мен құқығы үшін күрес – «Алаш» қозғалысының жетекшісі Әлихан Бөкейханның кісілік келбетінің бір қыры ғана.

Виртуалды көрме оқырмандарды Әлихан Нұрмұхамедұлы Бөкейханның тұңғыш толық шығармалар жинағымен, оның өмірі және саяси-қоғамдық қызметі жайлы жазылған әдебиеттермен таныстырады.

Көрмені қараңыз…

Қазақстан Республикасының Тәуелсіздік күні — тарихы тереңде жатқан елдің жаңа заманда өз алдына қайта егеменді ел болған күні.

Тәуелсіздік күні мерекесі әр жылдың 16 желтоқсанында аталып өтеді.

Қазақстан Республикасы Тәуелсіздігінің 25 жылдық мерейтойы — мемлекетіміз бен халқымыз үшін ең басты әрі құнды мереке болмақ.

Тәуелсіз еліміз ширек ғасырға жуық уақыт ішінде қаржы дағдарыстарының қиындықтарына қарсы тұра білді, тұрақты даму жолына түсіп, биік белестерді бағындырды, толағай жетістіктерге қол жеткізді, әлемдегі бәсекеге қабілетті 50 елдің қатарына енді.

Мемлекет басшысының елді дамытудағы стратегиялық бағдарламалары мерзімінен бұрын жүзеге асып келеді.

Осы атаулы датаға орай оқырмандар назарына «Тәуелсіздік – ел тағдыры» атты виртуалды кітап көрмесі ұсынылып отыр.

.Көрмені қараңыз…

Тәуелсіздік жылдардағы ең жарқын жетістік – болашақпен жарысқан жаһандық мегаполис Астана Елбасының ғаламат идеясының жүзеге асуы және Қазақстан халқының ерен еңбегінің жемісі.

Астана бүкіл елді магистральді локомотив тәрізді алға сүйреді. Бүгінгі Астана – асыл тастан тұрғызылған асқақ қала.

Ерке Есілдің жағасында орналасқан, жаңа ғасыр ғажабынан жаралған ертегідей Елорда, әлемдегі ең жас қала.

Кең даладағы жай ғана қала емес, саяси ерік-жігер, үкілі үміт, көркею, тәуелсіздік көрінісінің нышаны.

Көрмені қараңыз…

Таразды тану — қазақ тарихын таратып, қырық қатпар астарын, ара жігін айыру.

Тараз тарихы қазақ үшін шығыстың ұлы Жібек жолы.

Адамның алпыс екітамыры сияқты еліміздің ықлым заманғы болмыс-бітіміне, табиғатына, өнері мен өміріне, мәдениеті мен әлеуметтік жай-күйіне тереңдеп алып кетеді.

Сіздердің назарларыңызға «Жамбыл облысының қазыналары» атты виртуалды көрмемізді ұсынамыз.

Көрмені қараңыз…