Құрметті достар! Жас қаламгер Айсұлу Жолтайқызының «Құстар тілі» атты повесть-фэнтези, әңгімелер, ертегілер, ертегі-драмалар, этюд-эсселер, тәрбие туралы толғамдарын назарларыңызға ұсынамыз.
Жолтайқызы, А. Құстар тілі [Мәтін] : повесть-фэнтези, әңгімелер, ертегілер, ертегі-драмалар, этюд-эсселер, тәрбие туралы толғамдар / Айсұлу Жолтайқызы. — Алматы : Дәуір, 2024. — 140 б.
Айсұлу Жолтайқызы 1991 жылы Алматы қаласында дүниеге келген. 2013 жылы Л.Н. Гумилев атындағы Еуразия ұлттық университеті Халықаралық қатынастар мамандығы бойынша оқуын қызыл дипломмен тәмамдаған. Ұлыбританияның Ковентри университетінде білім алып, 2015 жылы Дипломатия, құқық және әлемдік даму саласында магистр дәрежесін алды.
«Рух» атты республикалық әдеби бәйгенің «балаларға арналған шығармалар» аталымы бойынша бас жүлдесін жеңіп алған балалар жазушысы әрі драматург Айсұлу Жолтайқызының бұған дейін баспадан екі кітабы шыққан болатын.
Жас қаламгердің кезекті жинағына соңғы кезде жазған көркем туындылары топтастырылды. Шығармалар оқуға жеңіл, бала ұғымына түсінікті.
