Қазақстан Республикасы — зайырлы мемлекет.Елімізде дініне, ұлтына, жасы мен жынысына байланысты шектеулер мен бөлініс жоқ. Өйткені Ата Заңымыздың өзінде «Қазақстанның ең қымбат қазынасы — адам және адамның өмірі, құқықтары мен бостандықтары» екендігі атап көрсетілген. Сондықтан қандайда бір дінге байланысты наным-сенімдерді ұстанатын адамдарға құрметпен қарау кепілдендірілген. Сонымен қатар елімізде дінаралық татулыққа да баса назар аударылады. Осыған орай М.Шолохов атындағы қалалық кітапханада «Қазақстан — дінаралық татулық орнатқан ел» атты дөңгелек үстел ұйымдастырылды.

 Іс-шара онлайн түрде ZOOM арқылы өтіп, қатысушылар тұшымды ой-пікірлерімен бөлісті. Дөңгелек үстелге Қазақстан халқы Ассамблеясы облыстық филиалының Ардагер ақсақалдар кеңесінің мүшесі Исмаил Хаджимуратов, Тараз қаласы И.Панфилов атындағы №39 мектеп-гимназиясы директорының оқу-әдістемелік ісі жөніндегі орынбасары Қарлығаш Танхаева және кітапхана қызметкерлері қатысты.

«Қазіргі қым-қуыт аласапыран, мүдделер шайқасы қайшыласып жатқан заманда елімізге татулық пен тұрақтылық керек. Сонда ғана әлемде бейбітшілік орнайды. Қазақстан Тәуелсіздігіне биыл 30 жыл. Осы 30 жылдың ішінде дінаралық татулықты ор- нату мақсатында Елбасы Н.Ә.Назарбаевтың идеясының негізінде бейбітшілік және саяси келісімді орнату мақсатында елімізде бірнеше съезд өтті. 2003 жылы өткен съезде зорлық пен терроризмге қарсы мәселе көтерілді. Ал 2006 жылы өткен съезде Нұрсұлтан Назарбаевтың өзі төрағалық етті.

Әлемдік және дәстүрлі діндер лидерлерінің III съезі 2009 жылғы 1-2 шілдеде, IV съезд — 2012 жылы, V съезд — 2015 жылы 10-11 маусымда, VI съезд — 2018 жылы Астана қаласында 10-11 қазанда өткені белгілі. Соңғы съезге әлемнің 42 елінен келген дінбасылары мен дінтанушыларының халықаралық өкілдері қатысты. Жалпы еліміздің дінаралық татулықты халықаралык мінберге айналдыруы бекер емес. Осындай салиқалы саясаттың арқасында Нұр-Сұлтан қаласы алпауыттар кездесетін диалог алаңына айналып кетті.

Қазақстан билігі сыртқы саясатта ғана емес, ішкі дінаралық татулықты тұрақтандыруда да белсенді жұмыс істеп жүр. 2019-2020 жылғы статистика бойынша елімізде 3658 діни бірлестік бар, олардың барлығы дінаралық татулықты ұстанады. Бұдан шығатын қорытынды: ҚР билігі дінаралық татулықты ұстанып, ең үлкен жетістіктердің біріне жетті», — деп өнегелі педагог Қ.Т. Танхаева «Қазақстан — дінаралық татулық орнатқан ел» тақырыбындағы өз баяндамасын оқыса, пікір алмасу сәтінде қатысушылар ел ішіндегі діни татулық жайлы өз ойларын айтты.

Айнаш ТАСМАҒАМБЕТОВА,

М.Шолохов атындағы қалалық кітапхананын менгерушісі

Jambyl-Taraz. – 2021. – 8 шілде

Тараз қалалық орталықтандырылған көпшілік кітапханалар жүйесінің Абай атындағы орталық кітапханасында Мәдениет және өнер қызметкерлерінің күніне орай «Мәдениет пен өнер — рухани өміріміздің мәйегі» атты дөңгелек үстел отырысы өтті.

Кеш қонағы болып Жамбыл облыстық Асқар Тоқпанов атындағы қазақ драма театрының әртісі, ҚР мәдениет саласының үздігі, кино және театрдың ардагер актрисасы Галина Қойшыбаева, осы театрдың белді актері Абу Шонбаев, Кенен Әзірбаев атындағы Жамбыл облыстық филармониясының мәдениет қайраткері Разия Мәдіханова қатысып, өздерінің өнері жайлы, өмірі туралы ой бөлісіп, шығармашылық турасында сөз қозғады.

«Өнер жолы — қызығы да, шыжығы да қатар жүретін өте ауыр жол. Өз мамандығын жақсы көру, адал болу — адамдықтың белгісі. Өнер ұшан-теңіз, соған батып кетпей, ерінбей малтый білген адам ғана шың басына шыға алады. Ізденіс пен талпыныс зау биікке жетелейді», — деді Разия Мәдіханова сөз арасында. Ал әңгімені балалық шағынан бастаған Галина Қойшыбаева бала кезінен ат құлағында ойнаған малшының қызы болғанын айта келе, оқуға, өнерге махаббатпен келгенін айтып: «Ізденбейтін шәкірттен артист шықпайды. Арманы жоқ адам — өлген адам. Театр әртісі сомдайтын рөлін толық зерттей білуі керек. Тіпті адамның рөлін алғанда, нақ сол адам сөйлегенде қандай мәнермен сөйлейді, әңгіме айтқанда қандай әрекеттер жасап тұрады, соның бәрін зерттеп білуі керек», — деп жастарға үлгі-өнеге болар әңгімелерімен бөлісті.

Кездесудің соңында кітапхана қызметкерлері өздері дайындаған «Дархан дарын» атты кітап көрмесін оқырмандар назарына ұсынып, Тараз қалалық орталықтандырылған көпшілік кітапханалар жүйесінің директоры Ұлбосын Сәулебаева өнеріміз бен мәдени мұрамызды насихаттаудағы мәртебелі мамандық иелерінің еңбектеріне жеміс, шығармашылықтарына табыс тіледі.

 Шапағат Әбдірұлы

Jambyl -Taraz. — 2021. — 26 mamyr

       Тараз қалалық орталықтандырылған көпшілік кітапханалар жүйесінің Абай атындағы орталық кітапханасында мәдениет және өнер қызметкерлерінің күніне орай «Мәдениет пен өнер — рухани өміріміздің мәйегі» атты дөңгелек үстел отырысы өткізілді. Жиынға Асқар Тоқпанов атындағы облыстық қазақ драма театрының артисі, ҚР Мәдениет саласының үздігі Галина Қойшыбаева, осы театрдың белді актері Абу Шонбаев, Кенен Әзірбаев атындағы облыстық филармонияның әншісі, ҚР Мәдениет қайраткері Разия Мәдіханова қонақ ретінде қатысты.

Жиында Галина Қойшыбаева өзінің өнер әлемімен сабақтасқан өмірі жайлы, өмірлік жолдасы, талантты актер болған Спандияр Мұқышев туралы толғана сыр шертті. Разия Мәдіханова да бойына әншілік өнердің қалай қонғанын, Ұлы Отан соғысынан кейінгі қиын жылдар, әжесінің қолында өскен тағдырын әсерлі етіп баяндап берді. Абу Шоңбаевтың да әдемі естеліктерін көпшілік қызыға тыңдады. Қонақтар кітапхана оқырмандары тарапынан қойылған сұрақтарға жауап беріп отырды.

Келесі сәтте кітапхана қызметкерлері Қазақстанның өнері мен мәдениеті туралы, осы саланың белгілі маман иелері жайлы кітаптар мен фотосуреттер, мерзімді басылымдардан мақалалар қойылған «Дархан дарын» атты кітап көрмесін ұйымдастырып, оқырмандар назарына ұсынды.

Осынау іс-шараны Тараз қалалық орталықтандырылған көпшілік кітапханалар жүйесінің директоры Ұлбосын Сәулебаева қорытындылап, өнеріміз бен мәдени мұрамызды насихаттаудағы мәртебелі мамандық иелерінің еңбектеріне жеміс, шығармашылықтарына табыс тілеп, сый-сияпат тапсырды.

Ғалия ТҰРЛЫБАЕВА,

Абай атындағы қалалық кітапхананың бөлім меңгерушісі

Aq jol. — 2021. — 25 мамыр (№61). — 8 б.

     Тараз қалалық орталықтандырылған көпшілік кітапханалар жүйесінің Абай атындағы орталық кітапханасы «Кітап — рухани сарқылмас қазына» атты іс-шара (оқырмандар аллеясын) ұйымдастырды. Мұнда өңіріміздің ақындары, Қазақстан Жазушылар одағының мұшелері Бақытжан Советұлы мен Ғайни Әлімбекқызы, ақын, бірнеше жыр мұшәйраларының жұлдегері Жұлдыз Бейсекпен кездесу өтіп, олардың шығармалары жайлы кеңінен айтылды. Аталған ақындардың «Бұл мен ғой…», «Шар-Айна», «Іңкәр — Ғазал» кітаптарына бибиографиялық шолулар жасалды.

Өз кезегінде Бақытжан Советұлы ақынның баласы ретінде әдеби кітаптармен сусындап өскенін мақтан етіп, әкесінен алған өнегесі жайлы сыр шертсе, Ғайни Әлімбекқызы кітаптың таусылмас байлық екенін айтып, әсерлі естеліктерімен бөлісіп, ағынан жарылды. Бұдан соң сөз алған Жұлдыз Бейсек алғашқы кітабын марқұм сіңлісі Іңкәрдің рухына арнап «Іңкәр-Ғазал» деп атағанын айтып, тыңдармандарға бірнеше жаңа өлеңдерін оқып берді. Мұнан соң кітапхана қызметкерлері де өңір ақындарының бірнеше өлеңдерін жатқа оқып, Тәуелсіздігіміздің 30 жылдығына орай жалпы оқырманның назарына ұсынылған 30 кітаптың арасынан Елбасының «Тәулсіздік дәуірі», Асқарбек Бектемісовтің «Тәуелсіздік тартуы», Тынымбай Нұрмағанбетовтің «Періштелер өлімі», Мадина Омарованың «Көмбе нанның дәмі» кітаптарына шолу жасап, аталмыш жинақтардың ерекшелікгеріне елдің назарын аударды.

Іс-шараны аталған кітапхананың директоры Үлбосын Сәулебаева корытындылап, ұжым кітапханашылары көпшіліктің жанын рухани байытуға күш жұмсай беретінін айтып, жүздесуге келген қонақтарға алғысын білдірді.

Жалпы, соңғы уақыттарда жергілікті авторлардың шығармаларын насихаттау жұмыстары қарқынды түрде жүзеге асырыла бастады. Бұл бізді қуантатыны анық. Талай мықты ақындар мен жазушылар шыққан Жамбыл өңірінен әлі де көптеген қаламгерлердің жарқырайтыны сөзсіз. Тек оларды назардан тыс қалдырмасақ екен.

Есет Досалы

Aq jol. — 2021. — 15 мамыр

Тараз қаласындағы Бауыржан Момышұлы атындағы «Жеңіс» саябағында Абай атындағы орталық кітапханасы ұжымының ұйымдастыруымен ел Тәуелсіздігінің 30 жылдығына арналып, «Сөзбен сурет кестелеген ақындар» атты іс-шара ұйымдастырылды. Бұл рухани кеш жерлесіміз, қазақ халқының көрнекті ақыны, Мемлекеттік сыйлықтың иегері Кұләш Ахметованың 75 жылдық мерейтойына арналды. Осы күні поэзия әлемінің ақ гүлі атанған Күләш ақынның кітаптарынан көрме ұйымдастырылды. Оны жұртшылық қызыға тамашалады.

Іс-шараға ақын, Қазақстанның еңбек сіңірген қайраткері, Күләш ақынның өмірлік серігі Қайырбек Асанов, ақын, ҚР Білім беру ісінің үздігі Үміт Битенова, жас ақын Мұқағали Балтабай қатысып, Алаштың ақыны Күләш Ахметованың және өздерінің сыр тұнған өлендерін оқыды. Күләш ақынның «Құт», «Бақ», «Орман» және басқа кітаптарына назар аударылып, автордың поэзия әлемінде ойып алар орны туралы ойлар кеңінен айтылды.

Бұл күні Тараз қалалық Ықылас Дүкенұлы атындағы мәдениет үйінің әншілері Қайырбек Асановтың сөзіне жазылған бірнеше әнді орындаса, аталған кітапхана қызметкерлері Күләш Ахметова, Қайырбек Асанов, Үміт Битенова секілді ақындардың жыр кітаптарына библиографиялық шолу жасап, қаламгерлердің туындыларын насихатгады. Бұл кеште Тараз қаласының тұрғындары өлеңнің ғажайып нәрімен сусындап, кереметтей әсерлі көңіл-күйге бөленді. Бұлақтай таза жырлар мөлдірлігімен жүректерге нұр құйды.

Барасыңдар қай жаққа кетіп бәрің,

Сырт-сырт етіп тоқтамай өкінтті әр күн.

Бір сөз, бір ой, бір демге ұзарыңдар,

Құдіретті, қуатты секундтарым, — деп жырлаған Күләш ақынның жақұт жырлары әлі барша халықты мөлдір сезімге бөлей беретіні анық. Іс-шараны Тараз қаласы әкімдігі мәдениет және тілдерді дамыту бөлімінің басшысы Бақыт Тоқсанбаева қорытындылап, ақындарға алғысын білдірді.

 Есет Досалы

Aq jol. – 2021. – 5 мамыр

Қалалық орталықтандырылған көпшілік кітапханалар жүйесіне қарасты М.Әуезов атындағы кітапханасында Қазақстан халқының бірлігі күніне орай «Бірліктің, татулық пен келісімнің 30 жылы» атты тақырыпта мерекелік іс-шара өтті.

Алдымен кітапхана қызметкері Нұргүл Маликова Қазақстанның Тұңғыш Президенті — Елбасы Нұрсұлтан Назарбаевтың төрағалығымен өткен «Бірліктің, татулық пен келісімнің 30 жылы» атты Қазақстан халқы Ассамблеясының XXIX сессиясының жүктеген міндеттерімен таныстырып, онда ұлттар достығы мен бірлігін нығайтуда жасалған игі істерге тоқталып өткен еді.

Іс-шара барысында «Достык — ұлы ұғым» атты кітап көрмесімен кітапханашы Сауле Ешжанова таныстырды.

Ал Тараз қаласындағы өзбек этно-мәдени орталығының төрағасы Абдурахман Зайнутдинов сессияда Ассамблея өкілдеріне жүктелген міндет пен жауапкершіліктің зор екенін айтып, бір шаңырақ астында тату-тәтті тұрып жатқан ұлттар достығын сөз етті. Сондай-ақ қазақ халқына деген ыстық ықыласын білдіріп, жиналғандарды мерекемен кұттықтады.

Жиында кітапхана қызметкерлері мен оқырмандарының қатысуымен сахналық көріністер көрсетіліп, ұлттық әндер орындалды.

 Светлана Қожахметова,

М.Әуезов атындағы кітапхананын кітапханашысы,

Тараз қаласы

Aq jol. — 2021. — 1 мамыр

      Елбасының «Болашаққа бағдар: Рухани жаңғыру» атты бағдарламалық мақаласынан туындаған міндеттер аясында біраз уақыт бұрын «Қазақстандағы 100 жаңа есім» жобасының жеңімпаздары анықталған еді. Еліміз бойынша жүзден жүйріктерге түскен таңдау болғандықтан, бұл санатқа қосылатындарға қойылған талаптың да үлкен болғаны белгілі. Аталған жоба жеңімпаздарының бірі, Тараз қалалық қоғамдық кеңестің төрағасы Сембек Сейдәзімовпен Абай атындағы орталық кітапханада өткен «Жұртына үлгі жүз есім» тақырыбында іс-шара өте әсерлі өтті.

 Іс-шараны Абай атындағы орталық кітапхана мен Тараз қалалық жастар ресурстық орталығы бірлесіп ұйымдастырды. Кез келген кісі «Қазакстандағы 100 жаңа есім» жобасының жеңімпазы бола бермейді. Сембек Әбетайұлының бұл қатардан табылуы бекер емес. Ол — ел десе еміреніп, жұрт десе жомарттығы көзге көрініп тұратын адам. Оның бірнеше отбасын баспанамен қамтамасыз етуі, қазынадан қаржы бөлдіріп, 3 мың гектар алқаптың суландырылуына ықпал етуі, өз ауылында мектепті «Алтын белгімен» бітіргендерге 400 мың теңге көлемінде сыйақы тағайындауы — сөзімізге дәлел.

Сембек Сейдәзімовпен жүздесуге кітапхана қызметкерлері мен тұрақты оқырмандар жиналды. Іс-шарада Тараз қалалық жастар ресурстық орталығы ұйымдастыру секторының жастар ісі жөніндегі инспекторы Әйгерім Садықбекова кітапхана қонағының өмір жолына тоқталып өтті. Сембек Әбетайұлы өз сөзінде ел Тәуелсіздігінің 30 жылдығы үлкен мереке, Тәуелсіздік — бақытымыз екенін айтып, осынау шуақты күнді бағалай білуге шақырды. Сондай-ақ ол жарық көруіне өзі себепкер болған «Тарихымен табысқан Тараз» атты кітап жөнінде де кеңінен әңгімелеп, тарихтан сыр шертті. Іс-шараға қатысушылар тарапынан қойылған сұрақтарға жауап берді. Кездесу соңында аталған кітапхананың директор орынбасары Назым Мухамбетиярова ойлы толғамдары, әсерлі әңгімелері үшін Сембек Сейдәзімовке алғысын білдірді.

Есет ДОСАЛЫ

Aq jol. – 2021. – 20 сәуір

Тараз қалалық орталықтандырылған көпшілік кітапханалар жүйесіне қарасты М.Әуезов атындағы кітапханада 2 сәуір – Халықаралық балалар кітабы күніне орай «Кітап – сәуле, нұр берер шырағыңыз» атты офлайн режиміндегі ашық есік күні өтті.

Бұл іс-шара «Қазақстанның оқырман ұрпағы – 2021» жалпыұлттық акциясы аясында жас оқырмандардың кітапқа қызығушылығын арттыру мақсатында қолға алынған «Кітап оқы, талқыла, суретте» жобасы шеңберінде ұйымдастырылды.

Кешті жүргізуші ең алдымен кітаптың шығу тарихына тоқталып, кітап деген сөз арабша «жазба», түрікше «дәптер», «мерзімді басылым» ұғымдарын білдіретінін, баспа ісінің өзі ең алғаш папирус, пергамент кітаптарын бастырудан бастау алғанын атап өтті.

Бұдан кейін ортаға «Кітаптар падишасы», «Ертегі», «Тарих», «Энциклопедия» кітаптары секілді кейіпкерлерімен шығып, театрландырылған көрініс қойып, өздерін таныстырды. «Ертегі» кітабы балаларға «Бір үзім нан» ертегісін айтып берді. Кешке қатысқан Тараз қаласындағы Төле би атындағы мектеп-гиназиясының бастауыш сынып оқушылары ертегі оқиғасы желісімен суреттер салып, «Тарих» және «Энциклопедия» кітаптарының викториналық-логикалық сауалдарына да бөгелмей жауап берді.

Кітапхана қызметкері Салтанат Қойгелді «Ертегілер елі» әнін нақышына келтіре орындап, балалардың көңілін бір көтеріп тастады. Жеткіншектер қазақ және шетел қаламгерлерінің ертегі кітаптары қойылған «Менің сүйікті кейіпкерлерім» атты кітап көрмесін де қызыға тамашалады.

Одан әрі кеш қонағы ақын, журналист, облыстық «Өрімтал» балалар журналының бас редакторы Баймаханбет Ахмет балаларға өңірдің ақпараттық кеңістігіне келіп қосылған жаңа басылыммен таныстырып, балаларды ең басты байлықтың бірі – кітаппен достасуға, көркем әдебиетті көбірек оқуға шақырды.

Ашық есік күнін Тараз қалалық орталықтандырылған кітапханалар жүйесінің директоры Ұлбосын Саулебаева түйіндеп, кітаптың жеткіншектерді адамгершілік әдептеріне, мейірімділікке, адалдыққа, ізгілікке, Отанды, елді, жерді сүюге тәрбиелейтінін, жас оқырмандардың кітап оқуға қызығушылығын арттыру кітапхана қызметкерлерінің басты міндеті болып қала беретінін атап өтті.

Аталған іс-шараның өн бойында балаларға негізгі білімнің кітап арқылы берілетіні ұғындырылды. Сонысымен де құнды, тағылымды, әсерлі кеш болды.

Назым МУХАМБЕТИЯРОВА,

Тараз қаласы Орталықтандырылған көпшілік кітапханалар жүйесі директорының орынбасары

Jambyl -Taraz. — 2021. — 7 сәуір

Қазақстан Республикасының Президенті Қасым-Жомарт Тоқаев «Тәуелсіздік бәрінен қымбат атты мақаласында Наурыз мейрамын тойлау тұжырымдамасын әзірлеп, көктем мерекесінің мазмұнын байытуды тапсырған болатын.

Осы бағытта қуаныш пен мейірімнің, бақ пен берекенің, молшылық пен кеңдіктің белгісі болған Наурыз мерекесін тойлаудың он кундік тұжырымдамасына сәйкес 18 наурыз «Береке күніне орай Абай атындағы орталық кітапханада Тараз қалалық ардагерлер кеңесімен бірлесіп, Қош келдің, әз Наурыз!» атты іс-шара өткізілді.

Басқосу барысында кітапхана қызметкерлері қонақтарға Наурыз мейрамының негізгі мақсаты — Қазақстан жерінде беітшілік пен достықты нығайту, ұлттық бірегеилікті сақтау, отбасылық құндылықтарды дәріптеу, қоршаған ортаға ұқыпты қарауды қалыптастыру екендігін айтып өтіп, «Нұр себеле, Ұлыстың ұлы күні» атты кітап көрмесімен таныстырып, кітапхана қызметкері Гүлсат Қонысбаева Омар һайамның «Наурызнама» кітабына библиографиялық шолу жасады.

Қазақ халқының өзіне тән салт-дәстүрлері бар. Атап айтсақ, олар: шілдехана, бесікке салу, тұсау кесу, сүндет той. Осыған орай Тараз қалалық ардагерлер кеңесі төрағасының орынбасары Күләш Әбдікешова кітапхана қызметкері Сара Жолдыбаеваның ұлы Заңғардың тұсауын кессе, қалалық ардагерлер кеңесінің мүшесі, өнерпаз ардагер Аманқұл ЬІсқақов арнайы музыкалық сәлем жолдап, қалалық Билер алқасының төрағасы Сауранбек Жамалбеков бата берді.

Кітапхана қызметкерлері Сая Аққұман және Айдана Үшбаева Айтқали Нәріковтің «Наурыз», Әбдірахман Асылбековтің «Наурыз шашу атты өлеңдерін оқыды. Кітапхананың жас оқырманы Айзере Оңғарбай Ж.Қожағазинаның «Тұсау кесер» әнін орындап берді. Ал, өз кезегінде ардагер-аналар Қанымкүл Беисенбай мен Якул Шуақ мерекеге өздерінің әндерімен шашу шашты.

Наурыз тойының өзіне тән ұлкен ырым асы — Наурыз көже. Наурыз көже жеті түрлі дәмді астың құрамынан жасалады. Оның мәні жаңажылда тойымшылық, молшылық, татымды өмір болсын деген ырымды, тілекті паш етеді. Наурыз тойындағы тағамдарда көбінесе ақ басым болады, өйткені, бұл кезде төрт түлік төлдеп, ақ молайған кез.

Іс-шара соңында кеш қонақтары мен кітапхана оқырмандарына Наурыз тойының өзіне тән үлкен ырым асы, жеті түрлі дәмді астың құрамынан жасалған Наурыз көже ұсынылды.

Алдаберді Мақашев,

Тараз қалалық ардагерлер кеңесінің мүшесі

Ардагер айнасы. – 2021. – 1 сәуір

Тараз қалалық ардагерлер кеңесі және Абай атындағы орталық кітапхана ұжымының ұйымдастыруымен Республика Президенті Қ.Тоқаевтың «Тәуелсіздік — бәрінен кымбат» атты мақаласы аясында «Тәуелсіздік — Мәңгілік ел мұраты» тақырыбы бойынша дөңгелек үстел өткізілді. Бұл айтулы шараға қатысқан қалалық ардагерлер кеңесінің мүшелері, кітапхана қызметкерлері, Тараз сервис және технология колледжінің білімгерлері ой бөлісіп, пікір алмасты.

Бас қосуды Абай атындағы орталық кітапхана директорының орынбасары Назым Мұхамбетиярова жүргізіп, Мемлекет басшысының мақаласына қысқаша шолу жасады.

Мақалада біздің еліміздің тәуелсіз 30 жылына тарихи шолумен қоса, байыпты баға беріліп, парасатты пайым жасалған. Еліміз бен жеріміздің тұтастығын қалай сақтап қаламыз? Мемлекеттік тіліміздің мәртебесін қайтсек көтереміз? Президентіміз өз мақаласында осы және бұдан басқа да сұрақтар төңірегінде ой толғап: «Отыз — жылда біз қандай жетістіктерге жеттік?», «Келер ұрпаққа қандай елді аманаттаймыз?”, «Мемлекетімізді нығайта түсу үшін тағы не істейміз?» деген сауалдардың толғандыратынын атап өтті.

Еңбек ардагерлері Мақұлбек Жанәлиев, Қанымкүл Бейсембаева, Сауранбек Жамалбеков, Ескермес Жантенов және облыстық ардагерлер кеңесі ұйымдастыру бөлімінің меңгерушісі Сайлаухан Ашанов өз сөздерінде Тәуелсіздік — ұлттың бағы, Қазақ үшін бәрінен де қымбат ұғым болатындығын. Президенттің мазмұнды да сындарлы мақаласында айтылған елдік, ұлттық, мемлекеттік мәселелер іске асуы үшін жас ұрпак- тың тарихи санасын қалыптастыру жағына жете мән беру керектігі жайында әңгіме өрбітті.

Ал, «Жамбыл телеарнасының» редакторы Риналь Рахматулин, Жамбыл электр жүйесі ЖШС «Реле қозғалысы және автоматика» қызметінің басшысы, Тәуелсіздік құрдасы (16 желтоқсан 1991ж.) Еркебұлан Мұқанов Мемлекет басшысы артқан сенімге селкеу түсірмес үшін бар күш-жігерлерін жұмсайтындықтарын білдірді.

Басқосу барысында еңбек ардагері Аманқұл Ысқақов Тәуелсіздік туралы толғанысын домбырамен орындаса, қалалық ардагерлер кеңесі жанындағы жастармен жұмыс жүргізу комисиясының төрағасы Мақұлбек Жанәлиев осы төл мерекеге арнаған жыр жолдарын оқып берді. Сонымен қатар білімгерлер де ән-күймен шашу шашты.

Кітап көрмесіне библиографиялық шолу жасалынды. Тараз қалалық ардагерлер кеңесі төрағасының орынбасары Күләш Әбдікешова және Абай атындағы орталық кітапхана директоры Ұлбосын Сәулебаева мазмұнды өткен дөңгелек үстелдегі басқосуды қорытындылай келе, Тәуелсіздік — еліміздің түп қазығы, асқан жауапкершілікпен нығайта білу керектігіне ерекше тоқталды. Жиынға белсене қатысқан ардагерлер мен жастарға алғыстарын білдірді.

Алдаберді Мақашев,

Тараз қалалық ардагерлер кеңесінің мүшесі.

Ардагер айнасы. – 2021. – 12 наурыз