Тараз қалалық орталықтандырылған көпшілік кітапханалар жүйесінің №4 кітапханасында жыр алыбы Жамбыл Жабаевтың туғанына 180 жыл толуына орай «Екі ғасырдың жырауы» атты поэтикалық жыр кеші өтті.

Кеш барысында ақын, Жамбыл облысы әкімінің кеңесшісі Хамит Есаман, №63 орта мектеп директорының тәрбие ісі жөніндегі орынбасары Гүлнұр Пиримкулова және Жамбыл жоғары политехникалық колледжі директорының оқу-әдістемелік жұмыс жөніндегі орынбасары Данияр Мамытбеков ұлы жыраудың мұрасының маңызы жайлы ой бөлісіп, жастарды қазақ әдебиетін қастерлеуге шақырды.

Сонымен қатар кітапхананың тұрақты оқырмандары — Айгерім Амангелді, Айзере Бақытжанқызы, Нұрсері Мұрат, Кәусар Шымкентбай Жамбыл жырларынан үзінділер оқып, ақын поэзиясындағы терең ой мен тағылымды мазмұнды жеткізе білді. Ал кітапхана қызметкерлері «Жыр дүлділі» атты кітап көрмесін ұйымдастырып, ұсынылған әдебиеттерге библиографиялық шолу жасады. Оқырмандар назарына жыр дүлдүлінің өмір жолы мен шығармашылық әлемі кеңінен таныстырылып, оның елдік пен ерлікті, адамгершілік пен отаншылдықты арқау еткен өлеңдері оқылды.

Кеште жас термеші Мансұр Әлішев «Алпамыс батыр» жырынан үзінді орындап, көрерменге ерекше әсер сыйлады. Ал айтыс өнерінің өкілдері Дидар Апбасов пен Медеу Мырзатай шеберліктерін көрсетіп, жиылған қауымды тәнті етті.

Жалпы, жыр рухы асқақтаған тағылымды кеш көпшілікке ерекше әсер қалдырып, Жамбыл мұрасының өміршеңдігін тағы бір мәрте айқын көрсетті.

Аман Есен

Jambyl-Taraz. — 2026. — 25 ақпан

       Тараз қаласының «Ұлы дала» (15) шағынауданы кітапханасының ұйымдастыруымен қазақ поэзиясының дүлдүлі, жыр алыбы Жамбыл Жабаевтың туғанына 180 жыл толуына орай «Екі ғасыр алыбы» атты әдеби портрет кеші өтті.

Тағылымы мол іс-шара ақынның өмір жолына шолу жасап, оның ақындық талантын жас ұрпақ жүрегіне ұялату, поэзияны сүюге, сөз өнерін қадірлеп, тәрбиелеуге бағытталды. Кешке №67 орта мектептің қазақ тілі және әдебиет пәнінің мұғалімдері Пакизат Даутпаева мен Назерке Бұрылбай қатысты. Сондай-ақ аталмыш білім ордасының да оқушылары белсенділік танытты.

Шараны кітапханашы Жанерке Серікова жүргізіп, жиналған қауымды ақынның өнегелі өмірімен, шығармашылық мұрасымен таныстырды. Кеш барысында оқушылар Жамбыл оқуларынан үзінділерді жатқа оқып, ақын жырларын ерекше тебіреніспен жеткізді. Жыр додасының көрінісі ретінде Жамбылдын Айкүміспен айтысы сахналанып, оны Еркебұлан Мелдебек пен Сезім Бағдат шебер орындап шықты. Сонымен қатар бала Жамбылдың өмір жолын хронологиялық тәртіппен таныстырып, ақынның қалыптасу кезеңдеріне кеңінен тоқталды.

Кітапханашы Анар Тілеген «Ғасыр ақыны» атты кітап көрмесіне шолу жасап, Уәлихан Қалижановтың «Жамбыл» кітабы бойынша библиографиялық таныстырылым өткізді. Көрмеде ұсынылған еңбектер арқылы оқырмандар ақын мұрасының тереңдігіне тағы бір мәрте көз жеткізді.

Жамбыл — халықтың мұңын мұңдап, жоғын жоқтаған ұлы ақын, айтыс өнерінің биік шыңы. Оның жалынды жырлары елге рух беріп, отансүйгіштікке, бірлікке, адалдық пен адамгершілікке үндейді. Ақын шығармалары арқылы жас буынның бойында ұлтжандылық сезімді ояту, ел өнерін қастерлеуге баулу кештің негізгі өзегі болды.

Тағылымды шара №67 орта мектептің «Арлан» тобы орындаған «Қазақтың ұландары» әнімен қорытындыланды. Мұндай мазмұнды шаралар жас ұрпақты сөз құдіретін түсінуге, поэзияны бағалауға және ұлттық мұраны құрметтеуге тәрбиелейді.

Зере Қуаныш

Jambyl—Taraz. — 2026. — 25 ақпан

     Қазақ халқының рухани қазынасында айрықша орын алатын Жамбыл Жабаевтың шығармашылығы – улттық болмыстың, елдік сананың, әділдіктің, халықтық рухтың жарқын көрінісі. Биыл жыр алыбының туғанына 180 жыл толуына орай «Ел болып оқимыз» жобасы аясында қалалық Ғ.Мұратбаев атындағы кітапхана мен №63 орта мектеп бірлесе, «Жамбыл жырлары — ұлттық құндылықтың бастауы» атты библиокеруен өткізді. Бұл іс-шараның мақсаты — жас ұрпаққа Жамбыл мұрасының құндылығын кеңінен таныту, өлең-жыр арқылы ұлттық рухты нығайту, оқушылардың көркемсөзге деген қызығушылығын арттыру. Библиокеруен барысында жыр алыбының өмірі мен шығармашылығына кеңінен тоқталып, оның поэзиясындағы елдік, бірлік, адамгершілік идеялар насихатталды.

   Кітапханашы Бағира Бұлтанқұлова Ж.Жабаевтың халқымыздың тарихы мен тағдыры, арман-мұраты, бірлік пен ынтымағы, достығы қамтылған жырлары баға жетпес рухани қазына екеніне тоқталды. Сондай-ақ ақынның өлең-жырларынан үзінділер оқып, мысал келтірді. Мектептің кітапхана меңгерушісі Дина Қартабаева жыр дарабозының айтыс өнеріне қосқан үлкен үлесі мен жетістіктеріне, өнегелі өмір жолына жан-жақты тоқтала келе, «Жамбыл менің жай атым, Халық менің шын атым» деп жырлаған Жамбыл шығармасын оқу мен насихаттау оның өлмес туындыларының құны мен маңызы артып, ұрпақтан ұрпаққа жалғаса беретінін тілге тиек кетті.

Онда ақынның өлеңдері жатқа оқылды. Мұнда 8 «ә» сыныбының оқушылары Мейірлан Айтқұл, Мира Мэлс, Кәусар Атабек белсенділік танытып, Жамбылдың жырларын мәнерлеп оқып, көрермендердің ыстық ықыласына бөленді. Сондай-ақ XX ғасырдың Гомері атанған бабамыздың айтыстарынан бейне үзінділер көрсетілді.

Шарапатты шара соңында Жамбыл Жабаевтың шығармалары мен Жәкең жайлы жазылған бірнеше қаламгердің еңбектері қойылған «Жыр алыбы Жамбыл» атты кітап көрмесі ұйымдастырылып, шолу жасалды. Қатысушылар ақын мұрасымен жақынырақ танысты. Көңілге түрлі ой салған бұл көрме оқушылардың кітапқа, әдебиетке, айтысқа деген қызығушылығын арттырумен қатар, жыр алыбының шығармаларын оқуға ынталандырды.

Елордамыз Астанадан бастау алып, өз өңірімізде де жарасымды жалғасын тапқан бұл библиокеруен тәрбиелік мәні мен нәрі зор игі шара ретінде мамандар мен көпшілік тарапынан жоғары бағаланып, жас ұрпақтың ұлттық құндылықтарға құрметпен қарап, саналарына сіңірулеріне септігін тигізіп, халқымыздың рухани қазынасын молайта түскен Жамбыл мұрасының мәңгілік екендігін тағы да дәлелдеді.

Көркем кешке жиналғандар Жамбыл жырларынан сусындап, әдемі әсермен тарасты.

Марат Құлибаев

Әулиеата. — 2026. — 24 ақпан

    Қазақ халқының рухани қазынасында айрықша орын алатын Жамбыл Жабаевтың шығармашылығы — ұлттық болмыстың, елдік сананың, әділдіктің, халықтық рухтың жарқын көрінісі. Биыл жыр алыбының туғанына 180 жыл толуына орай «Ел болып оқимыз» жобасы аясында қалалық Ғ.Мұратбаев атындағы кітапхана мен №63 орта мектеп бірлесе «Жамбыл жырлары — ұлттық құндылықтың бастауы» атты библиоке- руен өткізді

 Бұл іс-шараның мақсаты — жас ұрпаққа Жамбыл мұрасының құндылығын кеңінен таныту, өлең-жыр арқылы ұлттық рухты нығайту, оқушылардың көркем сөзге деген қызығушылығын арттыру. Библиокеруен барысында жыр алыбының өмірі мен шығармашылығына кеңінен тоқталып, оның поэзиясындағы елдік, бірлік, адамгершілік идеялар насихатталды.

Кітапханашы Бағира Бұлтанқұлова Ж.Жабаевтың халқымыздың тарихы мен тағдыры, арман-мұраты, бірлік пен ынтымағы, достығы қамтылған жырлары баға жетпес рухани қазына екеніне тоқталды. Сондай-ақ ақынның өлең-жырларынан үзінділер оқып, мысал келтірді. Мектептің кітапхана меңгерушісі Дина Қартабаева жыр дарабозының айтыс өнеріне қосқан үлкен үлесі мен жетістіктеріне, өнегелі өмір жолына жан-жақты тоқтала келе, «Жамбыл менің жай атым, Халық менің шын атым» деп жырлаған Жамбыл шы- ғармасын оқу мен насихаттау оның өлмес туындыларының құны мен маңызы артып, ұрпақтан ұрпаққа жалғаса беретінін тілге тиек кетті.

Онда ақынның өлеңдері жатқа оқылды. Мұнда 8 «ә» сыныбының оқушылары Мейірлан Айтқұл, Мира Мэлс, Кәусар Атабек белсенділік танытып, Жамбылдың жырларын мәнерлеп оқып, көрермендердің ыстық ықыласына бөленді. Сондай-ақ XX ғасырдың Гомері атанған бабамыздың айтыстарынан бейне үзінділер көрсетілді.

Шарапатты шара соңында Жамбыл Жабаевтың шығармалары мен Жәкең жайлы жазылған бірнеше қаламгердің еңбектері қойылған «Жыр алыбы Жамбыл» атты кітап көрмесі ұйымдастырылып, шолу жасалды. Қатысушылар ақын мұрасымен жақынырақ танысты. Көңілге түрлі ой салған бұл көрме оқушылардың кітапқа, әдебиетке, айтысқа деген қызығушылығын арттырумен қатар, жыр алыбының шығармаларын оқуға ынталандырды.

Елордамыз Астанадан бастау алып, өз өңірімізде де жарасымды жалғасын тапқан бұл библиокеруен тәрбиелік мәні мен нәрі зор игі шара ретінде мамандар мен көпшілік тарапынан жоғары бағаланып, жас ұрпақтың ұлттық құндылықтарға құрметпен қарап, саналарына сіңірулеріне септігін тигізіп, халқымыздың рухани қазынасын молайта түскен Жамбыл мұрасының мәңгілік екендігін тағы да дәлелдеді.

Көркем кешке жиналғандар Жамбыл жырларынан сусындап, әдемі әсермен тарасты.

Марат Құлибаев

Еңбекші. — 2026. — 19 ақпан (№4). — 8 б.

Тараз қаласының Абай атындағы орталық кітапханасында «Вооkdating» жобасы аясында шығыстың ғұлама ойшылы, математик, астролог, Аристотельден кейінгі екінші ұстаз атанған Әбу Насыр әл-Фарабиге арналған «Шығыстың ұлы ойшылы» атты оқырмандар конференциясы өтті.

«Вооkdating» кітапсүйер қауымның зияткерлік алаңы. Ол түрлі тақырыптар мен бағыттардағы кітаптарды талқылайтын тиімді, заманауи платформа. Жобаның мақсаты — білімді қоғам топтарын шоғырландыру, отандық жазушыларды қолдау, оқырмандарға міндетті түрде оқу үшін кітаптың өзің ұсынған нұсқасын жасау.

Басқосуда алғашқы сөз Тараз қалалық №46 орта мектебінің тарих пәні мұғалімі Меруерт Юсуповаға берілді.

— Әбу Насыр әл-Фараби ғұлама ғалым, Түркі жұртының жарық жұлдызы. Ғұламаның отаны Қазақ жерінің оңтүстігіндегі Отырар қаласы. Әл-Фараби — көрнекті ойшыл, өзінің замандастарының арасындағы ірі ғалым, философ және шығыс аристотелизмінің ең ірі өкілі. Өзінің білімділігімен және сауаттылығының арқасында «Екінші Ұстаз» атауына ие болды. Әл-Фарабидің шығармашылық мұрасы орасан зор. 150-ге жуық философиялық және ғылыми трактат, ал оның айналысқан ғылыми салалары ол-философия мен логика, саясат пен этика, музыка мен астрономия, математика мен медицина.

Сонымен қатар Меруерт Ізбәкірқызы қатысып отырған колледж білімгерлеріне Әл- Фарабидің еңбектері туралы сұрақтар беріп, кейбір тұстарын өзі толықтырып отырды.

Филология ғылымдарының докторы, профессор, М.Х.Дулати атындағы Тараз өңірлік университеті «Дулатитану» ғылыми-зерттеу орталығының директоры Сәмен Құлбарақ Оразғалиұлы өз сөзін ғұламаның еңбектерімен тұжырымдады:

— Биыл елімізде Шығыстың ғұлама ойшылы Әбу Насыр әл-Фарабидің 1155 жылдық мерейтойы. Әлемнің ұлы ойшыл-философтары әр дәуірде бақытты өмір, бақуатты тұрмыс мәселелері жөнінде ой толғаған. Солардың ішінде Әбу Насыр әл-Фарабидің осы тақырыпқа арналған «Бақыт жолын сілтеу», «Бақытқа жету жайында» атты еңбектерінің орны бөлек. Ол өз шығармаларында адамзат өміріндегі ең өзекті мәселе-бақыт идеясын ұсынады. Ғұлама ғалым адам бақытын басты орынға қояды. Бақыт дегеніміз-өмірден ләззат алу емес, әрекетшіл ақыл-парасат арқылы мақсатқа жету екенін айтады. Фараби бақытқа кенелу формуласын «Адамның өзін өзі жетілдіре отырып, кемелдікке жету жолы» деп көрсетеді.

Тараз қалалық ардагерлер кеңесі ұйымдастыру-әдістемелік бөлімінің жетекшісі Алдаберді Мақашев та өзінің ой-пікірін білдірді.

— Шығыстың ұлы ойшылының шығармашылық мұрасына деген үлкен қызығушылық бүкіл әлемде және Қазақстанда толассыз артып келеді. Әл-Фарабидің өзінен кейінгі мәдениетке, Шығыс және Орталық Азия халықтары, соның ішінде дүйім түркі жұрты мен қазақ халқының мәдениетінің дамуына ықпалы ұзак және жан-жақты болды.

Сондықтан, бүгінгі ұрпаққа шығыстың ұлы ойшылының мұраларын насихаттауда шығармаларының шыңына жетіп түсіндірсек және Әл-Фарабиді тереңінен тануына жол ашылары сөзсіз-деген Алдаберді Меңлібайұлы өз сөзін осылайша қорытындылады.

Конференция соңынан «Әл-Фараби әлемнің ұлы ойшылы» атты кітап көрмесі ұсынылды.

  Сауранбек Жамалбеков,

Тараз қалалық ардагерлер кеңесінің жауапты хатшысы

Қарахан. – 2025. — №3-4. – 14-15 б.

«Отан-отбасынан басталады» деген қарапайым қағида қай дәуірде болсын маңызын жоғалтқан емес. Әрбір отбасы — қоғамның діңгегі, экономикадағы, мәдениеттегі, әлеу- меттік саясаттағы барлық жаңа жетістіктерінің негізі. Отбасы баланың азамат болып өсуінің негізі болып табылады. Отбасының басты қызметі — баланы тәрбиелеу. Отбасы тәрбиесі — бұл жалпы тәрбиенің ең басты бөлігі.

Осы бағытта Тараз қаласының Абай атындағы орталық кітапханасында Отбасы күніне арналған «Тәрбиенің ең тамашасы-отбасы» атты кездесу кеші өтті.

Басқосуға қатысқан колледж білімгерлеріне Тараз қалалық ардагерлер кеңесінің жауапты хатшысы, Ұлттық қауіпсіздік комитетінің отставкадағы полковнигі Сауранбек Жамалбеков жазушы Санжар Керімбайдың «Бейсен және Болмыс» атты кітабынан отбасы туралы тәрбиелік мәні бар мысалдар келтірді. Осы кітаптың басты кейіпкері, кезінде «Айтуға оңай» бағдарламасын басқарған Бейсен Құранбек жиырма жеті жасында өз отбасының ата заңын өзі жазған. Келіншегі екеуі мынадай он шартқа сөзсіз бағынамыз деп келіскен. Сегіз шарт жария, екеуі құпия. Өзгеге айтылмайды. Екеуінің арасында мәңгілік құпия болып қалады. Бейсеннің сегіз қағидасы жастарға үлгі ретінде ұсынылды.

Өз кезегінде сөз алған ардагердің жары Гүлжәмила Есжанова да отбасы деген қасиетті ұғым екендігін, әр адамның өміріне бастама болатындығын айта келіп, қатысып отырған жастарға сәттілік тіледі.

Ал, Тараз қалалық ардагерлер кеңесі ұйымдастыру-әдістемелік бөлімінің жетекшісі Алдаберді Мақашев пен оның жұбайы, «Алтын алқа» иегері Әсия Ысмайылова өздерінің отбасы туралы жан-жақты әңгімелеп берді. Олар өз сөздерінде жеті «гүл» (қыз балалар) тәрбиелеп өсіргендігін, олардан 26 немере, 8 шөбере сүйіп отырғандығын айтып, өздерінің бақытты ата-әже екендігін білдірді.

Отбасы — мемлекеттің іргетасы. Ол — адам баласының өсіп-өнер, қанат жайып түлеп ұшатын алтын ұясы. Осы бағытта өткізілген іс-шараны қорытындылаған кітапхана директоры Улбосын Сәулебаева өздерінің тәрбиелі ойларымен бөліскен ардагерлерге алғысын білдіріп, аналардың иықтарына орамал жауып, гүл шоқтарын ұсынды.

Баймұрат Жақсыбеков

Қарахан. — 2025. — №3-4. – 9 б.

    Тараз қаласында қазақ поэзиясының заңғар тұлғасы, ғасыр ақыны атанған  Мұқағали Мақатаевтың туғанына 95 жыл толуына орай «Мұқағали – мәңгілік өмір» атты әдеби-сазды кеші өтті.

 Қаламгердің мол рухани мұрасын насихаттау, жас ұрпақтың әдебиетке деген сүйіспеншілігін арттыруды мақсат еткен шараны №6 кітапхана мен Ы.Дүкенұлы атындағы қалалық мәдениет үйі ұйымдастырды.

Кеште әуелі  ақынның өмір жолы мен шығармашылық әлеміне шолу жасалды. Сондай-ақ қаламгердің өмірінен сыр шертетін бейнематериал көрсетіліп, көрермендерге оның көзі тірісінде түсірілген сирек кадрлар ұсынылды.

Жиынның көркем сөз бөлімінде Мұқағали Мақатаевтың терең философиялық ойға, мөлдір сезімге толы өлеңдері оқылды. Атап айтқанда, «Шыда», «Фаризаға», «Отан», «Сәби ана», «Елім барда», «Өмір жайлы», «Арманың бар ма?» сынды жырлар көрермен жүрегіне жол тапты.

Әдеби кеш сазды бөліммен жалғасып, ақын сөзіне жазылған «Сарыжайлау», «Есіңе мені алғайсың» әндері көрерменге ерекше көңіл күй сыйлады. Сонымен қатар кітапхана қызметкерлері дайындаған «Мұқағали – мәңгілік жыр» атты кітап көрмесі таныстырылып, онда ақынның өлең жинақтары, өміріне қатысты деректер, замандастарының естеліктері мен ғылыми-зерттеу еңбектері қойылды.

Кеш соңында «Өмірдастан» поэмасынан үзінді оқылып, ақын мұрасының терең философиялық қыры тағы бір мәрте айқындалды.

Қорыта айтқанда, Мұқағали қазағымен мәңгі жасайды.  Жыр сүйер халқы барда ақынның бай мұрасы, маржан поэзиясы, көкірегінен буырқана атқылаған жыр жанартауы келешек ұрпаққа таусылмайтын сый, мол қазына болып қала бермек.

  Жұмаш Жолболды

Jambyl-Taraz. — 2026. — 4 ақпан (№9). — 1 б.

Тұлғалардың, тұғыры ешқашан аласармайды. Даналардың бағасын әрдайым биіктеткен елміз.

Тараз қаласындағы М.Әуезов атындағы кітапханасы мен облыстық «Айтыскер ақындар, жыршы-термешілер» орталығы бірлесіп «Жыр алыбы — Жамбыл» тақырыбында мерейгер портреті рухани кеші өткізілді.

Іс-шара барысында ақынның шығармашылығы туралы Мәдениет үздігі, айтыскер ақын Ербол Қамбатыр және Ш.Мұртаза атындағы облыстық «Руханият және тарихтану» орталығының ұйымдастырушысы Гүлгаухар Бүркітбаева өз ойларымен бөлісті. «Студент кезімде Жамбыл гидромелиоративтік құрылыс институтында оқыдым. Қазір Жамбыл Жабаев атамыздың ақындық мұрасына қатысты мекемеде еңбек етемін. Ж.Жабаевтың құрметіне арналған бірнеше айтыстарға қатыстық. Жыр алыбының алысқа кеткен атағының өзі Әулиеата өңірінің айтыскерлеріне айбар сыйлайды, — деді Ербол Дәулетұлы.

Облыстық «Айтыскер ақындар, жыршы-термешілер орталығы» мекемесінің өнерпаздары Жамбыл Жабаевтың жырларына тоқталып, айтысынан үзінділер көрсетті. Әсіресе аталған орталық қызметкері, жыршы Бекарыс Көштаев әйгілі ақынның жырларын тереңнен толғап, термелерін тебіреніспен орындады.

Қасиетті сөздің киесін арқалаған, жырды тағдырына серік еткен, ғасырдан ғасырға жеткен Жамбыл Жабаевтың жас ұрпаққа деген аманатын Асқар Тоқпанов атындағы академиялық қазақ драма театрының актері, Мәдениет саласының үздігі Әбу Шонбаев ғажайып өнерімен жеткізді.

«Дәуірдің дара тұлғасы» атты кітап көрмесі ұйымдастырылып, библиографиялық шолу жасалды. Рухани кешті Абай атындындағы Тараз қалалық орталықтандырылған кітапханалар жүйесінің директоры Ұлбосын Сәулебаева қорытындылап, қонақтарға алғысын білдірді.

Есет Досалы

Aq jol. — 2026. — 31 қаңтар (№11). — 12 б.

     Жыр алыбы Жамбыл Жабаевтың 180 жылдық мерейтойына орай Мұхтар Әуезов атындағы кітапхана мен облыстық айтыскер ақындар, жыршы-термешілер орталығының бірлесе ұйымдастыруымен «Жыр алыбы – Жамбыл» тақырыбында мазмұны бөлек іс-шара ұйымдастырылды.

Іс-шараға қатысқан Мәдениет саласының үздігі, айтыскер ақын Ербол Қамбатыров ақынның өлеңдеріндегі терең ой мен халық өмірін суреттеу ерекшеліктеріне тоқталып, Жамбыл жырларының мән-мағынасына үңілді. Сондай-ақ Шерхан Мұртаза атындағы руханият және тарихтану орталығының ұйымдастырушысы Гүлгаухар Бүркітбаева Жамбыл Жабаевтың қазақ әдебиеті мен мәдениетіндегі орнының айрықша екенін ерекше атап өтті.

Мерекелік іс-шараға қатысқан облыстық айтыскер ақындар, жыршы-термешілер орталығының өнерпаздары ақынның жырларын мәнерлеп оқып, айтысынан үзінділерді көрсетті.

Сондай-ақ Жамбыл Жабаевтың жас ұрпаққа қалдырған аманаты мен тәлімін Асқар Тоқпанов атындағы облыстық академиялық қазақ драма театрының актері, Мәдениет саласының үздігі Абу Шонбаев шынайы сезіммен жеткізді.

Сонымен қатар «Дәуірдің дара тұлғасы» атты кітап көрмесі ұйымдастырылып, библиографиялық шолу жасалды. Көрмеде ақынның өмірі мен шығармашылығы туралы сирек кездесетін басылымдар мен мақалалар таныстырылып, келушілерді терең ойға жетеледі.

М.Жамбылұлы

Ar-Ai. — 2026. — 30 қаңтар (№8). — 2 б.

Абай атындағы Тараз қалалық орталықтандырылған кітапханасында «Абайтанудың көшбасшысы Мекемтас Мырзахметұлы — 95 жас» атты кеш өтті.

  Тағылымды басқосуға М.Х. Дулати атындағы Тараз университетінің профессоры, филология ғылымдарының докторы Сәмен Құлбарақ қатысып, жиынның мазмұны мен мәніне кеңінен тоқталды. Ол Мекемтас Мырзахметұлының университетте сабақ бергенін мақтанышпен айтты. Студенттерге ғалымның өнегелі өмірі мен азаматтық ұстанымдары жайлы тағылымды әңгіме өрбітті.

– Мекемтас аталарың Абай Құнанбайұлын ғана емес, Мұхтар Әуезовты да терең зерттеді. Мұхтар Әуезовтың «Көксерек» деген көлемді әңгімесін білесіңдер. Мекемтас Мырзахметұлы университетте жүргенімізде осы әңгімені талдататын. Шығарманың соңында қасқырдың тұқымы Көксерек өзін асырап баққан Құрмашты өлтіреді. Яғни, жақсылыққа жамандық жасайды. Осы орайда ағай әңгімеге екінші жағынан қарауды үйрететін. Мәселен, «Көксерек» әңгімесінің бір астары қазіргі үстемдігі жоғары халықтың қазақ халқына қиянаты. Жазушы астарлап соны көрсетіп отыр дейтін, – деді Сәмен Құлбарақ.

Кітапханашы Рима Әбденбаева жас оқырмандарды кітап көрмесімен таныстырып, Мекемтас Мырзахметұлы туралы жазылған жазушы Елен Әлімжанның «Алтын жүлге жыры» атты романына тоқталды. Ғалымның 10 томдық жинағына да шолу жасады.

Жиынды кітапхана директоры Ұлбосын Сәулебаева қорытындылап, белгілі ғалым Сәмен Құлбараққа алғысын білдірді.

 Есет Досалы

Aq jol. — 2025. — 9 желтоқсан (№140). — 8 б.