Аmanat партиясы облыстық филиалының қолдауымен Тараз қалалық орталықтандырылған көпшілік кітапханалар жүйесі ұлтымыздың ұлы ойшылы, ақын, философ Абай Құнанбайұлының туғанына 180 жыл толуына орай «Адамзаттың шамшырағы – Абай» атты әдеби круиз ұйымдастырды. Бұл іс шара қоғамдық көлік жолаушыларына арналды.

Іс-шара барысында ұлы ақын Абайдың өмірі мен шығармашылығы туралы сұрақтар қойылып, белсене қатысқан жолаушыларға сыйлық берілді. Аталған кітапхананың сұрақтарына жауап беріп, сыйлық алған жеңімпаздың бірі тараздық Іңкәр Бекенқызы. «Биыл Абай Құнанбайұлы атамыздың мерейтойы. Ақынның өлеңдерін үнемі жаттап, өзіме тәрбие ретінде пайдаланамын. Маған хакімнің қара сөздері туралы сұрақтар келді. Дер кезінде жауап бердім. Осындай танымдық сұрақ-жауап сайыстарының өтіп тұрғанын қолдаймын», – дейді ол. Сонымен қатар іс-шараға белгілі ақын Серік Томановтың немерелері де белсене қатысыпты. Айзере Серік пен Әлихан Серік хакімнің өмірі мен шығармашылығына назар аударып, ізденіп жүретін балалар екен. Олар ақынның өмірінен қойылған сұрақтарға сәтті жауап беріп, сыйлыққа Абай шығармаларының жинағын ұтып алды.

Қазақтың ұлы ақыны, ағартушы Абай Құнанбайұлының 180 жылдық мерейтойына орай М.Әуезов атындағы кітапхана Қ.Рысқұлбеков саябағының демалушыларымен «Абай әлемі» атты поэзия сағатын өткізді. Мұндай кеш кімді де болса рухани биіктерге жетелеп, болашаққа деген құштарлыққа ұмтылдыратыны белгілі. Саябақта қыдырып жүрген қала тұрғындары лирика әлеміне терең қанат қағып, рухани демалысты сезінді. «Мұндай іс- шаралардың өтіп тұрғанын қолдаймыз. Өлең тыңдау деген – демалыстың үлкені. Абай Құнанбайұлы поэзиясы рухани үлкен құндылық. Өзім де немерелеріме ақынның өлеңдерін жаттатып жүремін. Абай жырлары – рухани бағытқа адастырмай апаратын бағдаршам», – дейді қала тұрғыны, Қазақстанның еңбек сіңірген қайраткері Асылхан Шүңіреков.

Осылайша, хакімнің мерейтойына арналған іс-шаралар көпшіліктің көңілінен шығып жатыр. Алдағы уақытта да Абай әлеміне терең саяхат жасау басқа да кітапхана, рухани ордалар арқылы жалғаса берері анық.

«Орталық кітапханалар жүйесі және оған қарасты кітапханалар Абай Құнанбайұлының мерейтойына бірнеше ауқымды жоспар жасаған еді. Сол жоспарымызды шетінен ел назарына ұсынып келеміз.

Кітапханамызға хакімнің мерейтойына қатысты ұсыныстарымен келіп жатқан кісілер де бар. Біз басқа мекемелермен бірлесе отырып алдағы уақытта да халықтың ойынан шығатын іс шараларымызды жалғастыра береміз. Себебі, Абай – адамзаттың ұстазы. Себебі, Абай – таусылмас терең мұхит, – дейді Абай атындағы Тараз қалалық орталықтандырылған кітапханалар жүйесінің директоры Ұлбосын Сәулебаева.

 Есет ДОСАЛЫ

Ақ жол. – 2025. – 7 тамыз (№88). – 7 б.

    Ұлы ойшыл, кемеңгер ақын Абай Құнанбайұлының 180 жылдығына арналған «Абай мұрасы — халық даналығы» атты республикалық әдеби кеш ел көлемінде бір мезетте бастау алды. Бұл игі бастамадан Жамбыл облысы да шет қалған жоқ. Нақты айтқанда Тараз қаласындағы Абай даңғылы бойындағы ақын ескерткішінің алдында рухани шара ұйымдастырылды.

Кешті Ш.Уәлиханов атындағы облыстық әмбебап ғылыми кітапханасы, Кенен Әзірбаев атындағы облыстық филармония және Тараз қалалық Абай атындағы орталықтандырылған кітапханалар жүйесі бірлесе отырып өткізді.

Салтанатты шара Абай ескерткішіне гүлшоқтарын қою рәсімімен ашылып, одан әрі әдеби-сазды кешке ұласты. Шараның басты мақсаты Абай мұрасын жас ұрпаққа тереңінен таныту, даналыққа толы өлеңдері мен қара сөздері арқылы ұлттық рухты жаңғырту, әдебиет пен тілдің қадір-қасиетін дәріптеу болды.

Кеш барысында Кенен Әзірбаев атындағы облыстық филармонияның өнерпаздары Ерболсын Қасымбеков, Дидар Басықараев, Әсел Уашева, Әлібек Малдыбаев Абайдың «Көзімнің қарасы», «Сегіз аяқ» әндерін шырқап, «Торжорға» күйі мен «Абайға арнау» музыкалық шығармаларын орындады. Ал «Желсіз түнде жарық ай» әні саксафонда шеберлікпен орындалып, тыңдарманның ерекше ықыласына бөленді.

Ш.Уәлиханов атындағы облыстық әмбебап ғылыми кітапхананың қызметкерлері ұлы ақынның «Өлең — сөздің патшасы, сөз сарасы», «Мен жазбаймын өлеңді ермек үшін», «Есіңде бар ма жас күнің?» сынды жауһар жырларын тебірене оқып, шараға әдеби тыныс қосты. Рухани кешке ҚР Ұлттық ұланның 5513 әскери бөлімінің сарбаздары да қатысып, Абай өлеңдерінен үзінділер оқыды.

Тағылымды шара соңында Абай атындағы орталық кітапхана қызметкерлері ұлы ойшылдың қара сөздерінен үзінділер ұсынып, тыңдарманды терең ойға жетеледі. Осылайша кеш рухани мазмұнмен түйінделіп, Абай мұрасының мәңгілік екендігін тағы бір мәрте дәлелдеді.

Гулден АСУБАЕВА,

облыстық Ш.Уалиханов атындағы

амбебап ғылыми кітапханасының мерзімді басылымдар секторының

меңгерушісі

Арай. – 2025. – 6 тамыз (№59). – 2 б.

     Ұлы ойшыл, кемеңгер ақын Абай Құнанбайұлының 180 жылдығына арналған «Абай мұрасы — халық даналығы» атты республикалық әдеби кеш ел көлемінде бір мезетте бастау алды. Бұл игі бастамадан Жамбыл облысы да шет қалмай, Тараз қаласының жүрегінде — Абай даңғылы бойындағы ақын ескерткішінің алдында рухани шара ұйымдастырылды.

  Кешті Ш.Уәлиханов атындағы облыстық әмбебап ғылыми кітапханасы, Кенен Әзірбаев атындағы облыстық филармония және Тараз қалалық Абай атындағы орталықтандырылған кітапханалар жүйесі бірлесе отырып өткізді.

Салтанатты шара Абай ескерткішіне гүл шоқтарын қою рәсімімен ашылып, одан әрі әдеби-сазды кешке ұласты. Шараның басты мақсаты — Абай мұрасын жас ұрпакка тереңінен таныту, даналыққа толы өлеңдері мен қара сөздері арқылы ұлттық рухты жаңғырту, әдебиет пен тілдің қадір-қасиетін дәріптеу болды.

Кеш барысында Кенен Әзірбаев атындағы облыстық филармонияның өнерпаздары — Ерболсын Қасымбеков, Дидар Басықараев, Әсел Уашева, Әлібек Молдыбаев Абайдың «Көзімнің қарасы», «Сегіз аяқ» әндерін шырқап, «Торжорға» күйі мен «Абайға арнау» музыкалық шығармаларын орындады. Ал «Желсіз түнде жарық Ай» әні саксофонда шеберлікпен орындалып, тыңдарманның ерекше ықыласына бөленді.

 Ш.Уәлиханов атындағы облыстық әмбебап ғылыми кітапханасының қызметкерлері ұлы ақынның «Өлең — сөздің патшасы, сөз сарасы», «Мен жазбаймын өлеңді ермек үшін», «Сенбе жұртқа, тұрса да қанша мақтап», «Есіңде бар ма жас күнің» сынды жауһар жырларын тебірене оқып, шараға әдеби тыныс қосты. Шараға Ұлттық ұлан 5513 әскери бөлімінің сарбаздары да қатысып, Абай өлеңдерінен үзінділер оқыды.

Кеш соңында Абай атындағы орталық кітапхана қызметкерлері ұлы ойшылдың қара сөздерінен үзінділер ұсынып, тыңдарманды терең ойға жетеледі. Осылайша кеш рухани мазмұнмен түйінделіп, Абай мұрасының мәңгілік екендігін тағы бір мәрте дәлелдеді.

   Ақ жол. – 2025. – 5 тамыз (№87). – 8 б.

   Кітап таусылмайтын асыл қазына десек, сол қазынаны пайдаланатындар аз емес. Барлық мамандық иелері де білімді кітап арқылы жинайды. Жетістікке сол көркем шығармаларды оқу арқылы жетеді. Ол айдай ақиқат.

   Кітап рухани азық болса, су – материалдық азық. Су – біздің өміріміз бен денсаулығымыздың қайнар көзі, ол адамдарға және басқа да тіршілік иелеріне өмір сыйлайды. Сусыз адамзат өмірін елестету мүмкін бе? Осы сауалдардың жауабын білу үшін М.Әуезов атындағы кітапханада «Су – тіршілік нәрі» тақырыбында «Тараз су» мемлекеттік коммуналдық кәсіпорнының қызметкері Дархан Құлтасовтың қатысуымен кездесу кеші өткізілді.

Кеш қонағы су шаруашылығы туралы ақпараттармен бөлісіп, оқырмандар сауалына тұщымды жауаптар берді. Судың маңыздылығы, оны пайдалану, қазіргі таңдағы су тапшылығы туралы мәліметтерді қамтитын кітап көрмесімен кітапханашылар таныстырып, ондағы қойылған кітаптарға библиографиялық шолу жасады.

Кездесу кешінің ажарын кітапхананың тұрақты оқырманы Аман Нариманның тамаша ән шашулары аша түсті. Кітапханашылар мен оқырмандар су мәселесі бойынша жақсы мәліметтер алды.

Жұмысшы мамандықтарының жылы аясында №5 кітапхана ұжымы ұйымдастырған «Қазыналы кәсіп – металлургия» атты кездесу кешінің де оқырмандар үшін әсері мол болды. Кеш қонақтары Тараз металлургияның пульт жүйесінің басқару операторы – Эльдар Молдашев, шебер – Ахмет Ибрагимов, ТЗМК-ның газбен кесуші жұмысшысы – Александр Тебякин өз мамандықтарына қатысты ойларымен бөлісті.

М.Шолохов кітапхана қызметкерлері де «Ветеринария: жауапты міндет, жан-жақты жұмыс» атты кездесу кешін өткізді. Іс-шараға тәжірибелі ветеринар маман Дина Хабиева қатысып, адамзатты емдейтін саланың қызығы мен қиындығы жөнінде өз ойларын ортаға салды. Іс-шарада ветеринария саласының тарихы, дамуы, қазіргі таңдағы жетістіктері мен өзекті мәселелері туралы айтылып және де жануарларды емдеу мен алдын алу жолдары, заманауи технологиялардың ветеринария саласындағы орны туралы ақпарат берілді.

Оқырмандар мамандардан жануарлар арасында таралатын аурулар мен адам өміріне тигізетін әсері жайлы, жануарларды емдеу жолдары, алдын алу шаралары, вакцинация, адам мен жануар арасындағы зооноздық аурулардың қаупі жөнінде нақты мәліметтер алып, сұрақтарын қойып, пікір алмасты.

Сонымен қатар ветеринар мамандығының қоғамдағы рөлі, жануарлар әлеміне деген жауапкершілік пен жанашырлық жайлы бейнематериалдар көрсетілді.

«Мейірімді мамандық – ветеринар» атты кітап көрмесі ұйымдастырылып, ветеринарияға қатысты әдебиеттерге библиографиялық шолу жасалды.

Есет ДОСАЛЫ

Ақ жол. – 2025. – 29 шілде (№84). – 8 б.

      «Еңбек адамы» деген кім? Ол кей замандастарым секілді әлеуметтік желілер арқылы тез әрі көп табыс табуды, жалпы оңай олжаға кенелуді өмірлік мұрат еткен адам емес. Еңбек адамы – әр істің басын бір шалмай, өзі таңдаған саланың қыр-сырын жетік меңгеріп, белгілі бір ортада өзін тапқан адам. Мен танитын сондай қоғамға пайдалы адамның бірі – Гүлдана Үсенбаева.

   «Дарақ бір жерде көгереді» демекші, Гүлдана Асқарәліқызы – Тараз қалалық орталықтандырылған көпшілік кітапхана жүйесінде табан аудармай 15 жылдан бері еңбек етіп келеді. Ең алғашқы еңбек жолын да аталған кітапханадан бастаған. Міне, тұрақтылықтың озық үлгісі.

     Кейіпкеріміздің айтуынша, кітапхана ішіндегі жұмыстар көзге көрінбегенімен, мазмұны терең.

– «Кейде сырт көзге біздің жұмыс жеңіл көрінуі мүмкін. Бірақ кітапты іріктеу, сұрыптау, оқырманмен жұмыс істеу, түрлі іс-шараларды ұйымдастыру – түсіне білгенге үлкен жауапкершілікті талап ететін еңбек. Әр бастама үлкен дайындықты, идеяны, талдауды қажет етеді, – деген Гүлдана Асқарәліқызы оқырмандар тарту мақсатында кітапханада «Шаңырақ», «Шабыт», «Айгөлек», «Сымбат», «Жас Отан», «Очаг», «Бәйтерек», «Ақ желкен» сынды клубтар тұрақты жұмыс істейтінін жеткізді. Әр клубтың өз мақсаты, белсенді мүшелері мен ай сайынғы жоспарланған іс-шаралары бар.

Сонымен қатар руханият ордасында «Кітап оқы, талқыла, суретте», «Дауыстап кітап оқу, руханиятқа талпынысты ояту», «Жастар – кітап әлемінде», «Киелі өлкенің кілті біздің қолымызда» сынды бірқатар жоба қолға алынған. Аталған жобалар аясында қызықты кездесулер, конференциялар, кітап бенефистері, түрлі кітап көрмелері тұрақты ұйымдастырылып тұрады.

Жылдар бойы атқарған адал еңбегі үшін Гүлдана Үсенбаева бірнеше мәрте облыс және қала әкімінің алғыс хаттарымен марапатталған. Бірақ ол үшін ең үлкен марапат – оқырманның ризашылығы.

Әдіскер ретінде әріптестері арасында үлкен беделге ие кәсіби маман жаңа жобаларды іске асыруда бастамашылдық танытып, ұжыммен бірлесе жұмыс істеудің озық үлгісін көрсетіп жүр. Оның жетекшілігімен өткізілген іс-шаралар оқырмандардың қызығушылығын арттырып, кітапханаға деген көзқарасты түбегейлі өзгертіп келеді. Сонымен қатар балалар мен жасөспірімдерге арналған оқу бағдарламаларын жаңғырту ісінде де белсенділік танытуда.

Бұл – бір салада ұзақ жыл еңбек еткен адамның үлкен жүректілігінің белгісі. Оның бойынан табылатын сабырлылық, еңбекқорлық пен жауапкершілік – кез келген маманға үлгі боларлық қасиеттер. Осындай жандар арқылы ғана қоғамда еңбекке деген құрмет пен сенім артады.

   Мадина Мадиева,

М.Х.Дулати атындағы Тараз университетінің 3-курс студенті

Ar-Ai. — 2025. — 20 маусым (№ 46). — 4 б.

     Дана қазақ «Өмірлік тәжірибе – даналықтың әкесі» деп бекер айтпайды. Біз өмір сүріп отырған қоғамда да, біз тұратын қалада да қанша қайраткер, ойшыл кісілер бар. «Қолда барда алтынның қадірі жоқ» дегендей, кейде сол тұлғаларымызды лайықты бағалай бермейміз. Осындай дара болмыс иесі – жазушы-драматург, халықаралық «Алаш» әдеби сыйлығының иегері, Жамбыл облысының Құрметті азаматы Елен Әлімжан. Қазақ еліне 60 жыл қаламымен қызмет еткен Елен Әбдуатұлы биыл 80 жастың биігін бағындыруда.

Жазушының мерейтойына орай Шоқан Уәлиханов атындағы облыстық әмбебап ғылыми кітапханасының ұйымдастыруымен «Азамат. Қаламгер. Тұлға» атты көркем ой кеші өтті. Ой толғайтын жиын болғандықтан шығар, бұл іс-шараға әдебиетшілер, тіл саласының ғалымдары көбірек шақырылыпты.

Жиында филология ғылымдарының кандидаты Темірбай Мұқашев жазушы шығармашылығындағы тереңдікке тоқталды.

«Мәселен, Мекемтас Мырзахметұлы секілді тұлғаны жазу үшін жазушының өзі терең білімді болуы керек. Бауыржан Момышұлының әлеміне бойлау үшін де тынымсыз ізденіс керек. Ондай білім мен ізденіс Елен ағайда бар», – деді ол.

Мұнан соң жазушы Көсемәлі Сәттібайұлы, тіл саласының білгір маманы Зиба Құламанова, әдебиетші Бақытжан Махашев, театртанушы Айзат Қадыралиева өз ойларын ортаға салды. Жас қаламгер Ерлан Нұрланов алып таудай ағадан көрген қамқорлығын тілге тиек етті.

Әдебиет әлемінде аға буынның кейінгі толқынға қамқорлығы шығармашылықтың дамуына алтын көпір болатыны анық. Кешті ақын Марал Хантөреқызы жүргізді. Бұл жиында сөйлеген кісілердің баршасы мерейтой иесінің жақсы қырларына кеңінен тоқталды. Әрине, мерейтой иесі мақтау сөзге зәру емес, бұл тілектерді жазушыға деген шынайы құрмет пен алғыс деп қабылдаған жөн. Іс-шараны жазушы Елен Әлімжан қорытындылап, өзінің өмір жолынан сыр шертті, жолына шамшырақ болған ағалары мен замандастарын еске алды.

 Сонымен қатар ол кеш қонақтары мен жиналған көпшілікке алғысын білдірді. Жазушы Елен Әлімжанмен осындай тамаша кездесудің бірі Абай атындағы қалалық орталықтандырылған кітапханалар жүйесінің ұйымдастыруымен Тараз қаласындағы «Тектұрмас» аймағының «Көне қамал» кешенінде өтті.

Іс-шараны қала әкімдігі мәдениет және тілдерді дамыту бөлімінің басшысы Бақыт Тілегенова ашып, жазушының биік болмысына тоқталды. «Елен Әбдуатұлы өңірімізге ғана емес, қазақ даласына кеңінен танымал тұлға. Жазушының қаламынан туған әрбір шығарманың мазмұны жоғары, маңызы терең.

Мерейтой иесі журналистика саласында да жемісті еңбек етті. Баспасөз және телеарна салаларында да қамшы салдырмай, озат болды. Біз жазушы Елен Әлімжанмен мақтанамыз», – деп мерейтой иесіне Тараз қаласының әкімі Бақытжан Орынбековтың атынан құрмет көрсетті. Мұнан соң осы жолдардың авторы жазушыға арнау өлеңін оқып, қаламгердің ізгі қасиеттерін жыр жолдарымен аша түсуге талпынды. Сыншы, театртанушы, Күләш Байсейітова атындағы Астана өнер университетінің докторанты Айзат Қадыралиева Елен Әбдуатұлының драматург ретіндегі болмысына кеңінен тоқталды.

«Елен Әлімжанның өз ұлтын қалай сүйетіндігін, әсіресе, оның өз халқына тән ортақ мінезін «Қазақ қандай халық?» деген мақаласынан көруге болады. Автор бұл мақаласында қазақ халқының басты қасиеті – Кісілігі деп дәлелдейді. Иә, «Тақталастағы» ащы шындықтар өз халқына деген махаббаттан туған. Сондықтан оған ренжімейсің, ойланасың. Бәлкім өзіңді өзің түзеуге бет бұрасың. Себебі біз мұны Қалтай Мұхамеджановтың: «Жанталастың» авторы Елен Әлімжан өмірдің тура жалынан ұстаған» деуі, Шерхан Мұртазаның: «Тақталастай» өмірлік өзекті дүниенің жүгін көтеріп тұрған бір-ақ дүниемен де әдебиет әлемінен орын алуға болады деуі қаламгердің шеберлігіне берілген әділ баға», – деді ол.

Жиналған оқырмандар жазушыға қаламгерлік жолға қалай келгені, алғашқы шығармалары туралы сұрақтар қойды. Елен Әлімжан оқырмандары алдында ағынан жарылды. «Әкем Әбдуат тіл маманы болуымды қаламады. Көз алдында жүретін мал шаруашылығы маманы болса деді. Бірақ асқар тауыма бірнеше күн түсіндіріп, Алматыдағы үлкен университетке өзім қалаған филология мамандығы бойынша оқуға түстім. Ондағы ойым – ауылға оралып, қазақ тілі мен әдебиетінің білікті мұғалімі болу.

2-курста Дулат Исабеков, Ескен Елубаев бастаған жігіттер бір бөлмеде жаттық. Байқаймын, олар жазады. Бірінің әңгімесі, бірінің топтама өлеңі республикалық басылымдарда жарық көре бастаған. Бір күні мен де оңаша отырып, сықақ әңгіме жаздым. Сол кезде бөлмеге кіріп келген Дулат әлгі әңгімені оқып, ұнатып, «Жазушы» баспасында Мағзұм Сүннетов жас авторлардың шығармаларын жинақтап жатыр, мұны соған апарайық», – деді.

Ертеңіне әлгі баспаның өкілдері әңгіменің тым қысқа екенін айтты. Сонда Дулат еш ойланбай: «Бұл жігіттің ұзақ әңгімесі де бар, машинкаға басылып жатыр» дегені. Баспадағылар «сол әңгімені әкеліңдер» деді. Сөйтіп баспаға өтірікші болмас үшін бір күннің ішінде сүйіп қосылған жас отбасының тағдыры, кейінірек жас отағасының көлік апатынан қаза болатыны жайлы «Ән сыры» атты тұңғыш әңгімемді жазып, ұсындым. Драматургияға келуіме мәдениет саласының майталманы Әлібек Әмзеұлы әсер етті», – деді Е.Әлімжан. «Көне қамалда» өткен кештен оқырмандар үлкен әсермен қайтқаны анық.

 Есет Досалы

 Aq jol. — 2025. — 14 маусым (№ 65). — 8 б.

      Ұлы Жеңістің 80 жылдығына орай А.Гайдар атындағы №35 орта мектеп пен Ғ.Мұратбаев атындағы кітапхана қызметкерлерінің ұйымдастыруымен «Ақәділ — кеудесін оққа тосқан ер» тақырыбында тағылымға толы шара өтті.

Әуелі аталмыш кітапхана меңгерушісі Жаңагүл Ахумбекова мен мектеп директоры Гүлсім Әсімова биыл туғанына 105 жыл толғалы отырған Кеңес Одағының батыры, даңкты жерлесіміз Ақәділ Суханбаевтың өмірі мен ерлігіне кеңінен тоқталып, тарихтан сыр шертті. Даңқты батыр мұндай ерен ерлікті небәрі 24 жасында жасапты. КСРО Қарулы Күштері мұражайында сақтаулы тұрған деректерге сүйене отырып айтар болсақ, І944 жылдын 31 шілдесінде Польшаның Стжельцовизна деревнясы үшін болған үлкен бір шешуші шайқаста Кеңес жауынгерлерінің алға жылжуына кедергі жасап жатқан жау пулемётінен жауған оқты тоқтату мақсатында атқыштар батальонының бөлімше командирі, қазақтың қаршадай қайсар ұлы Ақәділ Суханбаев кеудесін тосып, пулемёттің үнін өшіреді. Сол сәтте жауынгерлердің бірі дереу пулемётші немістің көзін жойған соң  бәрі бірден шабуылға шығып, жау шебін бұзып өтеді. Сол ұрыстан кейін 31-ші армияның қолбасшысы, генерал-полковник Василий Глаголевтің тапсырмасымен Ақәділ атамыздың денесі Польшадан Литваның Друскининкай қаласына әкелініп, үлкен әскери салтпен жерленген екен.

Міне, осы шайқастан кейін тұтастай майдан даласына демде тараған Ақәділ Суханбаевтың жанкешті ерлігі мен есімі жауынгерлерге рух сыйлап, отансүйгіштік сезімдерін арттыра түсіпті.

«Ешкім де, ештеңе де ұмытылмайды» демекші, бұл шара барысында ұстаздар мен оқушылар әзірлеген А.Суханбаевтың қыршын ғұмыры мен өшпес ерлігі жайлы шағын көрініс көрсетілді. Сондай-ақ белгілі жазушы, журналист Арғынбай Бекбосынның «Мен — Суханбайұлы Ақәділ» атты әнгімесінен үзінділер оқылып. жан тебірентер әндер де шырқалды.

Бұдан қейін қітапханашы Бағира Бұлтанқұлова «Ер елі үшін туады» тақырыбында викториналық сұрақтар қойып, «Мақалды жалғастыр» ойынын ойнатты. Сонымен қатар «Қазақ халқының батыры» атты кітап көрмесі ұйымдастырылып, онда 2023 жылы Алматыдағы «Дәуір» баспасынан жарық көрген жазушылар Бегім-Мұрат Ілиясов пен Данияр Шалқаровтың «Ерлікке толы ғұмыр» кітабын Б.Бұлтанкұлова жиналғандарға жан-жақты таныстырып өтті.

Шара соңында жиналған қауым батырдың ескерткішіне гүл шоқтарын қойып, рухы мен ерлігіне тағзым етгі.

Мұндай игі шаралар өскелең ұрпақтың тарихта қалған тұлғаларымызды жақынырақ танып білулеріне оң ықпалын тигізері анық.

Әбдіғали Сайлыбаев,Тараз каласынын тұрғыны

Jambyl-Taraz. — 2025. — 12 маусым (№45).

Тараз қаласындағы Абай атындағы орталық кітапханасында Ауған соғысы ардагерлеріне арналған «Ауғанстан — отты жылдар естелігі» атты кездесу кешіне Қалабаев Дүйсенәлі Ибрагимұлы және Амирбеков Марат Бегасылұлы қатысып, кітапхана оқырмандарымен Ауған соғысында батырлық пен қайсарлыктың үлгісін көрсетіп, қаһармандық танытқан, өздерінің Отан алдындағы парызына адал болған жерлестеріміз туралы естеліктерімен бөлicті. Сонымен бipre, кітапхана оқырмандары Ерсейіт Ақжарқын және Шәйкен Айсұлу Ауған соғысына қатысушылар туралы өлең жолдарын оқыса, Жаңабекұлы Дінмұхаммедтің орындауында «Домбыра» күйін күмбірлете орындады.

     Кеш конақтары кітапхана оқырмандары тарапынан қойылған «Ауған соғысына аттанар алдында соғыстың мақсат-мүддесі түсіндірілді ме?», «Соғысқа шақырту алғанда қай жерде әскери борышыңызды өтеп жүр едіңіз?» деген сұрақтарға жауап бepiп, Ауған соғысы туралы бейнероликті тамашалады.

Кітапхана ұжымы «Ауған соғысының ақиқаты» атты кітап көрмесін ұйымдастырып, кітапхана кызметкері Ұлбала Байманова Ауған соғысының ардагері Бақытбек Смағұлдың 3 томдық шығармаларын жинағын таныстырып, автордың отаншыл асқақ рух, мемлекетшіл биік сана, согыс пен бейбітшілік жайында айтқан сұхбаттарына тоқталып өтті.

Дөңесова  Гулжазира, бөлім меңгерушісі, Абай атындағы орталық кітапхана,Тараз қаласы

Алғашқы әскери және технологиялық дайындық. — 2025. — №2.

Тараз қаласындағы Абай атындағы орталық кітапханасында «Әулиеата — кітап оқитын еңір» жобасы аясында казактың каһарман ұлы, даңқты қолбасшы Бауыржан Момышұлының 115 жылдығына арналған «Аңыз тұлға — Бауыржан» атты тарихи-танымдық кеш өткізілді.

Тұлғасы тұнған тағылым, eciмі елге мәлім, казақ халкының сүйікті перзенті, аты аңызға айналған батыры, даңқты қолбасшы, жалынды жазушы, әскери жауынгер Бауыржан Момышұлы 1910 жылы 24 желтоқсанда Жамбыл облысы, Жуалы ауданы, Көлбастау ауылында малшының отбасында дүниеге келген.

Кітапхана кызметкерлері соғыстан кейінгі жылдары қаруын каламға айырбастаған гвардия полковнигінің әpбір окырманның жүрегіне жол тапқан «Артымызда Москва», «Москва үшін шайқас», «Генерал Панфилов» атты көркем туындылары мен әскери қолжазбаларын оқырмандарға кеңінен таныстырып өтті.

Ic-шарада Қазақстан Республикасы Ұлттық Ұланы 5513 әскери бөлімінің сарбаздары Асылбеков Нұртуған, Қалдыбай Нұржеңіс, Амангелді Рауан, Құрманбай Алишер Бауыржан Момышұлының «Ана тілін ардақта», «Ескертпе», «Тірнектеп жина әр жерден», «Қайран сегіз» атты өлеңдерін  ұсынды.

Өшпес ерлігімен, азаматтық дара қалпымен, ұлтжандылығымен, намыстылығымен халқымыздың орынды мақтанышына айналған ұлы тұлға Бауыржан Момышұлына арналған ақындар Сырбай Мәуленовтың «Батыр ағам Бауыржанға», Ғали Ормановтың «Полковник», Калибек Куанышбаевтың «Ел жүрегі елжіреп сендерде тұр…» арнау өлеңдерін кітапхана оқырмандары Манат Олжас, Боранбай Асылай, Құлназар Аяулым мәнеріне  келтіре оқып берді

Сонымен бipгe, батырдың келiнi Зейнеп Ахметованың естелігінен үзінділер, Бауыржан Момышұлының әскери тәрбие жөніндегі нақылдарынан мысал келтіріліп, eciмі epлік пен өрліктің символы ретінде халқымыздың жүрегінде мәңгі сақталатындығы айтылды.

  Дөңесова  Гулжазира,

 бөлім меңгерушісі Абай атындағы орталық кітапхана, Тараз қаласы

Алғашқы әскери және технологиялық дайындық. — 2025. — №2. — 4 б.