Құрметті оқырмандар!

«Ұлы Жеңіс – ұрпаққа аманат» атты виртуалды кітап көрмесі – соғыс жылдарындағы ерлік пен қайсарлықтың шежіресі.

Биыл Ұлы Отан соғысының аяқталғанына 80 жыл толып отыр. Бұл – тек тарихи күн ғана емес, халқымыздың қайсар рухын, батырлығын және жеңіске деген жігерін еске алатын маңызды сәт. Осы уақыт аралығында ұрпақтар жаңарып, заман өзгерсе де, майдангерлердің ерлігі ешқашан ұмытылмайды.

Бүгін біз сіздердің назарларыңызға сол зұлмат жылдардың шежіресін баяндайтын, жауынгерлердің өмірі мен жеңіске жету жолын көрсететін арнайы виртуалды кітап көрмесін ұсынамыз. Мұнда ардагерлердің естеліктері, соғыс жылдарындағы хаттар, тарихи зерттеулер мен көркем шығармалар топтастырылған.

Осы көрме арқылы біз бейбітшіліктің бағасын түсініп, ерлік пен қайсарлықтың мәңгілік екенін еске аламыз. Ерлік – ұмытылмайды, тарих – өшпейді! Ұлы Отан соғысы – адамзат тарихындағы ең ауыр кезеңдердің бірі. Бұл соғыс халқымыздың қайсар рухын, батырлығын, ел үшін жанын пида еткен боздақтардың ерлігін паш етті. Қазақстан жауынгерлері майдан даласында ғана емес, тылда да жанқиярлықпен еңбек етті. Осы көрме қазақ жазушыларының соғыс тақырыбындағы шығармаларын қамтиды. Сондай-ақ, Жамбыл облысынан шыққан Ұлы Отан соғысының ардагерлері туралы бірнеше тарихи кітаптар мен зерттеулер қойылды.

Елімізде Ұлы Жеңістің 80 жылдығына орай кітапханалар мен мәдениет мекемелерінде түрлі іс-шаралар ұйымдастырылуда.

Көрмені қараңыз…

Жүрегімнің түбіне терең бойла,

Мен бір жұмбақ адаммын, оны да ойла,

Соқтықпалы, соқпақсыз жерде өстім,

Мыңмен жалғыз алыстым кінә қойма.

  Абай болашақ ұрпаққа сөзін осылай арнады. Бұл өткеннің құлазыған ғасырларынан өзіне бейтаныс, басқа, бірақ жарқын болашаққа сенімді жол салған ақынның айтқан сөзі еді.

Құрметті оқырмандар!

Сіздердің назарларыңызға «Ұлы даланың ұлы есімі — Абай» атты виртуалды көрмемізді ұсынамыз. Абайдың 180 жылдығына кітапхана қызметкерлері кітапхана көрмесі, шолулар, конференция, бенефис және кітап бастамасы, әдебиеттер кештерін өткізу арқылы оқырмандарды ақынның өмірбаяны, шығармашылығымен таныстырады, қазақ және басқа да тілдегі шығармалардың маңызы мағынасын көрсетеді.

Көрмені қараңыз…

Биыл қасиетті мекендегі Жамбыл облысы үшін ерекше жыл. Киелі құт дарыған өлкенің облыс болып құрылғанына 85 жыл. Бұл мереке облысымыздың өткені мен бүгінін жалғап тұрған межелі мезет, жетістік жаршысы десек те болады. Ұлы Жібек жолы бойына орналасқан Жамбыл өңірі – береке-бірлігі жарасым тапқан елдіктің тұғырлы мекені.  Жамбыл облысы Шу-Іле таулары мен Балқаштың батыс жағалауынан – Қаратауға, Қырғыз Алатауынан Бетпақдалаға дейінгі алқапты алып жатқан аймақ. Қазақ жерінің қасиетті де құнарлы, шуақты өлкесі. Жүз жасаған жыр алыбы Жамбыл атамыздың атын иемдеген ежелгі Әулиеата жері – «алтын құрсақты» өңір. Күміс көмей әншілер мен дәулескер күйшілер, білікті билер мен білекті батырлар өткен бұл берекелі аймақ ән мен жырдың кені Кенен Әзірбаев, қылқобызды қүйқылжытқан Ықылас Дүкенұлы, Халық қаһарманы, даңқты қолбасшы Бауыржан Момышұлы, Халық жазушысы Шерхан Мұртаза сынды біртуары азаматтар осы өлкеде өмірге келген.

Облыс орталығы Тараз қаласының шежіресі төл тарихымыздың ажырамас бір бөлігі іспеттес. Тараз – еліміздегі ең көне, тарихи да тағдырлы шаһардың бірі. Әулиеата өңірі берекелі, шуақты өлке.

                                                                                                  Құрметті оқырмандар, сіздердің назарларыңызға «Жамбыл облысына 85 жыл» атты виртуалды көрмемізді  ұсынамыз.

Көрмені қараңыз…

Балалар әдебиетінің алып бәйтерегі Бердібек Соқпақбаевтың туғанына 100 жыл.

Биылғы жылы «Бір ел — бір кітап» акциясы аясында қазақ прозасына өзгеше өрнек, ғажайып сыр-сипат әкелген көрнекті қазақ жазушысы, балалар әдебиетінің классигі, 2024 жылы 100 жылдығы ЮНЕСКО көлемінде аталып өтілетін Бердібек Соқпақбаевтың шығармаларына арналады.

Құрметті оқырман, сіздердің назарларыңызға Бердібек Соқпақбаевтың 100 жылдығына орай әзірленген «Балалар әдебиетінің бәйтерегі» атты виртуалды көрмені ұсынамыз.

Көрмені қараңыз…

Құрметті оқырмандар, сіздердің назарларыңызға халқымыздың ұлы суретшісі, қазақтың әйгілі кескіндемешісі, график-суретші, қазақ бейнелеу өнерінің негізін салушылардың бірі Әбілхан Қастеевтің 120 жылдығына орай әзірленген «Бейнелеу өнерiнiң алтын дiңгегi» атты виртуалды көрме-экспозицияны ұсынамыз.

Көрмені қараңыз…

   Қазіргі таңда әр адам жетістікке жетсем екен, батыл қадамдармен өмірімді өзгертсем, дұрыс орта тапсам, табысты болып кетсем, мінезімді өзгертсем және көптеген осындай сұрақтарға жауап іздеп жүрген жан аз емес. Құрметті оқырмандар Сіздердің назарларыңызға «Мотивация – жетістікке жеткізетін күш» атты виртуалды көрмемізді  ұсынамыз. Виртуалды көрмеден ұсыңған кітаптар арқылы көптеген сұрақтарыңызға жауап таба аласыздар.

Виртуалды көрмемізге қош келдіңіз!

Көрмені қараңыз…

Кие дарып, құт қонған Әулиеата өңірі ешқашан қаламы қарымды, қадамы алымды қаламгерлерге кенде болған емес. Жуалыда туып, алаш аспанында жұлдызы жанған Шерағаның ізін жалғаған хас таланттар ортамызда жүр.

Сарысудың самал желінен жанға қуат алған белгілі қаламгер, Қазақстан Жазушылар одағының мүшесі, Еңбек Қызыл ту орденінің иегері, ауданның Құрметті азаматы, балаларға арналған Халықаралық «Дарабоз» байқауының бірнеше дүркін жеңімпазы Пернебай Дүйсенбиннің 80 жасқа толуына орай «Дарынымен дараланған дарабоз» атты виртуалды көрмемізді ұсынамыз!

Көрмені қараңыз…

Шерхан Мұртаза. Бұл есімнің халық жадында жатталғанына елу жылдан асып кетті. Сол елу жылда әдебиет пен журналистикаға небір таланттар келіп қосылды. Бірақ олардың арасында Шерхан Мұртазаның жұлдызы еш көмескіленбей, қайта бұрынғыдан да жарқырап, әр жүрекке нұр құя түсті.

Құрметті оқырмандар, біздің кітапхана сіздерге арнап шындықтың шырақшысы атанған қайсар мінезді қаламгер, мемлекет және қоғам қайраткері, халық жазушысы Шерхан Мұртазаның 90 жылдығына орай «Шынның жүзі – Шераға» атты виртуалды көрмесін әзірледі.

Көрмені қараңыз…

Елдің ел, мемлекеттің мемлекет екенін, дербестігі мен өз шекарасы барын айғақтайтын басты нышан – оның рәміздері.

Символикалық тұрғыда әр елдің рәміздерінде сол елге тән болмыс тарихи детальдар көрініс табады.

Оған Қазақстанның көк байрағын мысал етуге әбден болады. Тудың түсі, қалықтаған қыран бейнесі, жарқыраған күн мен одан сәуледей таралған 32 шуақ, тігінен салынған ою-өрнек – бәрі-бәрі бір-бірімен астасқанда, ұлттық көрінісімізден бірден хабар береді. Елдіктің нышаны саналатын Елтаңбадағы белгілер де ерекше.

Шаңырақ, қанатты пырақ, жұлдыз бір-бірімен үйлесім тапқан.

Сіздердің назарларыңызға 4 маусым Қазақстан Республикасының Мемлекеттік Рәміздер күніне орай әзірленген «Рәміздерім — елдігімнің белгісі» атты виртуалды көрмені ұсынамыз!

Көрмемізге сәтті сапар!

Көрмені қараңыз….

Құрметті оқырмандар!

Сіздердің назарларыңызға 2022 ж. мерейгер кітаптарға арналған виртуалды көрмемізді ұсынамыз.

Әр кітаптың өз тарихы, оның жарыққа шыққан күні, шыққан жылы бар. Осы уақыттан бастап кітаптың жасы есептеле бастайды. Адамдар сияқты кітаптардың да мерейтойлары бар.

Жазушылар мен ақындар өз туындыларымен адамдарды таңдандырып, сүйсіндіре алса, олар мәңгі ұмытылмайды. Ал кітаптардың мерейтойын тойлау оларды тағы да бір оқып шығуға себеп болмақ.

Сіздерге сәтті сапар біздің виртуалды көрмемізге!

Көрмені қараңыз…